ფილ ნევილი, რომელიც "ოლდ ტრაფორდზე" დევიდ მოიესმა გასულ ზაფხულს დააბრუნა, აცხადებს, რომ მას წარმოდგენა არ აქვს დარჩება თუ არა კლუბში.
"მე ჯერ კიდევ "იუნაიტედში" ვარ. ვფიქრობ, ჩემი მომავალი უახლოეს ხუთ დღეში გადაწყდება."
"ბოსს მომდევნო ხუთი დღის განმავლობაში ვესაუბრები და ყველაფერი სწორედ მაშინ გადაწყდება."
"შესაძლოა მომდევნო სეზონში წასვლა და ახალი სამუშაოს ძებნა მომიწიოს. ასეთია ფეხბურთი."
"მაგრამ ვფიქრობ, ყოველთვის ვიქნები "იუნაიტედის" საქმიანობაში ჩართული. თუ კი ერთხელ ხარ "იუნაიტედის" ნაწილი, სამუდამოდ ხარ მისი ნაწილი."
"მე ფეხბურთს 12 თვით დავუბრუნდი, რადგან დევიდ მოიესმა დაბრუნება მთხოვა."
"მწვრთნელობას ხელს არ მივყოფდი, დევიდ მოისს "მანჩესტერ იუნაიტედში" მუშაობა რომ არ შემოეთავაზებინა. შესაძლებლობა მეტისმეტად კარგი იყო, რომ უარი მეთქვა."
"ნამდვილად ვისიამოვნე მწვრთნელობის 12 თვით "იუნაიტედში". ეს არის ის, რისი გაკეთებაც მინდა და რასაც მომავალში გავაკეთებ." - განაცხადა ფილ ნევილმა.