REUNITED14 -ზე პრეს-კონფერენციაზე რაიან გიგზმა ლუი ვან გაალზე და მასთან შეხვედრის დეტალებზე ისაუბრა.
"როცა გასული სეზონის დასასრულს ერთმანეთს შევხვდით, ვისაუბრეთ ფეხბურთელებზე, რომლებიც აქ არიან და იმ ფეხბურთელების შესახებ, რომლებიც მას მოსწონს. ორი მათგანი უკვე მოვიდა. მსოფლიო ჩემპიონატის მსვლელობისას ყოველთვის რთულია, რადგან ზოგიერთი ფეხბურთელი, რომლის შეძენაც გსურს ჯერ კიდევ მუნდიალის ნაწილია, ან ეს-ესაა დაბრუნდა და ისვენებს. არ ვიცი რამდენი ფეხბურთელი მოვა - უნდა მოვიცადოთ და ვნახოთ."
"ჩავფრინდი და რამდენიმე საათი მასთან ერთად გავატარე. ჩვენ იმ ფეხბურთელებზე ვისაუბრეთ, რომლებიც კლუბში არიან - მათზე ვინც უნდა წავიდეს და მათზე ვინც უნდა მოვიდეს. ჩავედი რათა გამეგო როგორ მუშაობს, რა მოსწონს და იმისთვის, რომ მეცნობებინა მისთვის ყველაფერი, რაც "მანჩესტერ იუნაიტედის" შესახებ არ იცოდა. იმაზე მეტი იცოდა, ვიდრე თქვენ გგონიათ. მაგრამ მცირედითაც თუ შემეძლო დახმარება, თავს არ ვზოგავდი.
"ლუის წმინდა ფილოსოფია აქვს და იგი ამ ფილოსოფიის მიმდევარია. მას არ აშინებს "მანჩესტერ იუნაიტედის" ხელმძღვანელობა. ის ამისგან სიამოვნებას მიიღებს. ის მოუთმენლად ელოდება ამას. ის მუშაობდა "ბაიერნში", "ბარსელონაში"...ის უდიდეს კლუბებში იყო. თუმცა ჩემი აზრით, "მანჩესტერ იუნაიტედი" ყველაზე დიადია მათ შორის."
"მას არ აშინებს გამოწვევა, არ არის შეშინებული - ის ვეღარ ითმენს. მას აქვს ამის გაკეთების გამოცდილება. ეს არ იქნება ადვილი. ეს არასოდესაა ადვილი. პრემიერ-ლიგის მოგება რთულია, მაგრამ სწორედ ამის გაკეთებას ვეცდებით. აღელვებული ვიყავი იმით, თუ რა აშკარად საუბრობდა იმის შესახებ, თუ რას ელოდა შტაბისა და მოთამაშეებისგან."
არგენტინის ნაკრებთან 11 მეტრიანების სერიაში დამარცხების შემდეგ, ჰოლანდიის ნაკრები მსოფლიო ჩემპიონატს დაემშვიდობა. გიგზი გაოცებული იყო თავისი ახალი ბოსით.
"გუშინ მათი მარცხის ხილვა იმედისგამარცუებელი იყო, მაგრამ ვან გაალისთვის ეს მაინც შესანიშნავი სამუშაო იყო, რადგან ვერავინ წარმოიდგენდა ასეთ დასაწყისს. ესპანეთის ნაკრებთან ნათამაშევი 5-1 შესაძლოა საუკეთესო მატჩი იყო მსოფლიო ჩემპიონატზე. ნებისმიერ შემთხვევაში, "იუნაიტედის" გულშემატკივართა თუ ფეხბურთელებისთვის მისი ასეთი ნამუშევრის ხილვა სასიამოვნო იყო."
"ყველანი აღელვებულნი არიან. ის ტაქტიკასა და მოთამაშეთა გადაადგილებას ერთად აკავშირებდა. მსოფლიო ჩემპიონატის ნახევარფინალში გადასვლა დიდიებული მიღწევაა. მას რა თქმა უნდა შორს წასვლას სურდა, მაგრამ ეს არ მოხერხდა. ჯგუფი რომელშიც ის იყო... მისგან გასვლა თავისებური მიღწევაა და დარწმუნებული ვარ, რომ მოხარული იქნება ასე შორს წასვლით"