რამდენიმე წუთის წინ დასრულდა მსოფლიო ჩემპიონატის ნახევარფინალური ეტაპის მეორე მატჩი, სადაც ერთმანეთს ჰოლანდიისა და არგენტინის ეროვნული ნაკრებები დაუპირისპირდნენ.
აღნიშნულ მატჩში მონაწილეობას იღებდა "მანჩესტერ იუნიატედის" ვარსკვლავი რობინ ვან პერსი, რომელმაც სამწუხაროდ ვერ შეძლო გოლის გატანა და თავისი გუნდისთვის გამარჯვების მოტანა. ჰოლანდიისა და არგენტინის ნაკრებებს შორის მატჩი ძირითად დროში უგოლო ყაიმით დასრულდა, რასაც მოჰყვა ოცდაათ წუთიანი უგოლო დამატებითი ტაიმები. ამის შემდეგ დაინიშნა პენალტების სერია, სადაც არგენტინის ნაკრებმა ჰოლანდია დაამარცხა (2:4).
პენალტების სერიაში მონაწილეობა არ მიუღია რობინ ვან პერსის, რადგან "მანჩესტერ იუნიატედის" ახლად დანიშნულმა მწვრთნელმა, ლუი ვან გაალმა, ჰოლანდიელი თავდამსხმელი 96-ე წუთზე შეცვალა.
მართალია, "იუნაიტედის" ბოლო წარმომადგენლები ჯერ კიდევ რჩებიან მუნდიალზე, თუმცა მათ ფინალში ვეღარ ვიხილავთ. რობინ ვან პერსი და ლუი ვან გაალი ბრაზილიაში 12 ივნისამდე დარჩებიან, რადგან ჰოლანდიის ნაკრებს მესამე ადგილისთვის ბრძოლაში ბრაზილიის წინააღმდეგ აქვს მატჩი გასამართი, რის შემდეგაც ვან პერსი 12 დღიან შვებულებას აიღებს, ლუი ვან გაალი კი პირდაპირ მანჩესტერში გაემგზავრება.
შემადგენლობები
ჰოლანდია: სილესენი, მარტინს ინდი (იანმაატი 46), ვლაარი, დე ვრეი, ბლინდი, დე იონგი (კლასი 62), ვეინალდუმი, კუიტი, სნეიდერი, რობენი, ვან პერსი(ჰუნტელაარი 96).