მოგეხსენებათ "მანჩესტერ იუნაიტედის" აწ.უკვე ყოფილი ცენტრალური დამცველი ნემანია ვიდიჩი "ინტერში" გადავიდა, რის შემდეგაც სერბმა დამცველმა შემდეგნაირად განაცხადა: "ინტერში" გადასვლა ჩემს კარიერაში წინგადადგმული ნაბიჯია",- ციტირებს ნემანია, რომელიც მცირე ხნის წინ “აპიანო ჯენტილეზე” კლუბის ახალი ფეხბურთელის რანგში წარადგინეს.


ნემანია "ინტერში" "მანჩესტერში" გატარებული რვანახევარი წელიწადის შემდეგ გადავიდა, სადაც უამრავი ტიტული მოიგო და ბოლო დროს კაპიტნის სამკლაურსაც ატარებდა. ის ძალიან მებრძოლი დამცველია, ამავდროულად ტექნიკაც არ დაეწუნება.


სინოფტიკოსების მტკიცებით, ვალტერ მაცარიმ მობერებული და ჩამოწერილი ფეხბურთელი კი არა, გამობრძმედილი და საერთაშორისო გამოცდილების მქონე, საკუთარი საქმის ნამდვილი ოსტატი დაიმატა.


იტალიურ კლუბ “ინტერის” გულშემატკივრებს ახლაც ცუდათ ახსოვთ 2008/2009 წლების სეზონში გამართული ჩემპიონთა ლიგის მერვედფინალი, სადაც მათი საყვარელი გუნდი “მანჩესტერ იუნაიტედმა" გათამაშებას სწორედ ნემანია ვიდიჩის გოლით გამოთიშა. მაშინდელი “იუნაიტედის” შეჩერება მხოლოდ ლეო მესიმ და “ბარსელონამ” შეძლეო.



აღსანიშნავია ის ფაქტი, რომ კლუბის სპორტულ ცენტრში, სამედიცინო შემოწმების გავლის დროს, საკუთარი ფიზიკური სიძლიერით ვიდიჩმა მედიკოსები გააოცა, თავად კი ასეთ რამეს იძახის: “ინტერი” მილანი დიდი გუნდია, რომელიც მუდამ გამარჯვებებისთვის იბრძოდა და ამ მხრივ ახლაც არაფერი შეცვლილა. ეჭვი არ არის, სწორი არჩევანი გავაკეთე. ამ გუნდის შემადგენლობაში სერბ ფეხბურთელებს ადრეც უთამაშიათ და იმედია, ისეთივე ლეგენდა გავხდები, როგორიც დეიან სტანკოვიჩია. ბევრი ახლაც ფიქრობს, რომ “ინტერში” გადმოსვლით ერთი ნაბიჯი უკან გადავდგი, მაგრამ ასე არ არის - ინგლისის პრემიერლიგა მართლაც გამორჩეულია, თუმცა იტალიის სერია A-საც არაფერი დაეწუნება. პრეზიდენტ ერიკ ტოჰირის სურს, რომ იმ გრძელვადიანი პროექტის ერთ-ერთი უმთავრესი ნაწილი გავხდე, რომლის განხორციელებითაც შავ-ლურჯებისთვის ძველი დიდების დაბრუნება იგეგმება. კარგია ახალ სეზონს გულშემატკივრები უდიდესი მოლოდინით რომ ხვდებიან და მათთვის იმედების გაცრუების უფლება არ გვაქვს. პირადად ჩემთვის მნიშვნელობა არ აქვს, თუ რამდენი კაცი ითამაშებს დაცვაში: სამი თუ ოთხი, რადგან ამ ეტაპზე უფრო მნიშვნელოვნად ძირითად შემადგენლობაში ადგილის დამკვიდრება მიმაჩნია”.

წყარო: www.dailymail.co.uk