"გალათასარაის" პრეზიდენტი, უნალ აისალი აცხადებს, რომ ის უძლური იქნება სნეიდერის ტრანსფერში, თუ კი თურქები 16 მლნ. ფუნტიან შეთავაზებას მიიღებენ.
ჰოლანდიის ნაკრების პლეიმეიკეი რამდენიმე წლის განმავლობაში "იუნაიტედის" სამიზნედ ითვლებოდა და ლუი ვან გაალის მოსვლის შემდეგ ხმები კიდევ უფრო გამძაფრდა.
აისალის თქმით, თურქული კლუბი ჰოლანდიელს მხოლოდ იმ შემთხვევაში გაუშვებს, თუ კი შესაბამის თანხას მიიღებს.
"სნეიდერი კარგი ფეხბურთელია. მისი შენარჩუნება გვსურს."
"თუ კი "გალათასარაი" 20 მლნ. ევროს სახით შეთავაზებას მიიღებს სნიედერის თაობაზე, ჩვენ არ გვექნება "არას" თქმის უფლება. ეს კონტრაქტში მითითებულია."
"მხოლოდ იმას ვამბობ, რომ თუ კლუბი 20 მლნ. ევროიან შეთავაზებას მიიღებს და წასვლა სნეიდერის სურვილიც იქნება, ჩვენ მას ვერ შევაჩერებთ, რადგან კონტრაქტში ასე წერია" - ციტირებს აისალს ESPN.
დავამატებთ, რომ წინა თვეში სნეიდერმა უკვე გამოთქვა ჰოლანდიელ მწვრთნელთან ერთად საკლუბო დონეზე თამაშის სურვილი.