"მანჩესტერ იუნაიტედი" თავის მარცხენა მცველს, პატრის ევრას წასვლაში ხელს არ შეუშლის, თუ კი ფრანგი "იუვენტუსის" შეთავაზებას დასთანხმდება.
მიუხედავად იმისა, რომ ევრამ მაისში ახალ კონტრაქტს მოაწერა ხელი, ხმების თანახმად იგი თანახმაა კარიერის "იუვენტუსში" გაგრძელებაზე - ევრას კარგად ესმის, რომ "ოლდ ტრაფორდზე" ლუკ შოუს მოყვანის შემდეგ მისი სათამაშო დრო საგრძნობლად შემცირდება.
Manchester Evening News - ის ინფორმაციით, სერია ა-ს ჩემპიონებმა "იუნაიტედს" უკვე მიმართეს 33 წლის ფრანგის თაობაზე და სატრანსფერო თანხად 2 მლნ. ფუნტი დაასახელეს.
ESPN კი ამტკიცებს, რომ "იუნაიტედი" ამ თანხას თანხმდება და ევრას წასვლაში ხელს არ შეუშლია. ტურინში ფრანგს 2 წლიან კონტრაქტსა და რეგულარულ სათამაშო დროს სთავაზობენ.
დავამატებთ, რომ ბოლო 8 წლის განმავლობაში ევრა "იუნაიტედის" ძირითადი მცვლეის ფუნქციებს ითავსებდა. მის ანგარიშზე 379 მატჩი და 10 გოლი გახლავთ.