ალბერტ სტივენბერგი აცხადებს, რომ მისთვის დიდი პატივია ლუი ვან გაალთან ერთად "მანჩესტერ იუნაიტედში" მუშაობა.
რამდენიმე დღის წინ ოფიციალურად გამოცხადდა, რომ ლუი ვან გაალის შტაბში ახალწვეულია, რომელიც სავარაუდოდ ახალგაზრდებს გაწვრთნის. ლუი ვან გაალმა მისთვის კარგად ნაცნობი, ალბერტ სტეივენბერგი ერთ-ერთ ასისტენტად დანიშნა.
გარდა ამისა, ალბერტს ჰოლანდიის 21 წლამდელთა ნაკრებთან მუშაობის გამოცდილება აქვს, რომ არაფერი ვთქვათ 17 წლამდელთა ნაკრებთან ერთად მიღწეულ წარმატებებზე. სტეივენბერგის ახალგაზრდა ფეხბურთელებმა 2011 და 2012 წლებში ევროპის ჩემპიონობა მოიპოვეს.
ალბერტი რაიან გიგზს შეუერთდა და ლუის ერთ-ერთი დამხმარე იქნება. თავად ალბერტი გამოტყდა, რომ მისთვის პატივია ასეტი სამუშაოს მიღება.
"ეს რა თქმა უნდა უდიდესი წინ გადადგმული ნაბიჯია ჩემს კარიერაში. ჩემთვის დიდი პატივია ლუი ვან გაალისგან ასეთი შემოთავაზების მიღება."
"ლუი ახალგაზრდებთან ჩემი მუშაობით მიცნობს და ჩვენი ხედვა თამაშისადმი თითქმის არ განსხვავდება. მოლაპარაკებები გარკვეული პერიოდი მიმდინარეობდა და მხოლოდ წინა კვირაში დადასტურდა ოფიციალურად ეს ინფორმაცია." - აცხადებს ალბერტ სტივენბერგი.