ორშაბათს, 88 წლის ასაკში გარდაიცვალა, მადრიდის "რეალისა" და ფეხბურთის ლეგენდა, ალფრედო დი სტეფანო. მსოფლიო ფეხბურთის უამრავმა გამოჩენილმა ფიგურამ დი სტეფანოს პატივი მიაგო. მათ რიცხვს არც სერ ალექს ფერგიუსონი ჩამორჩენია.

"ერთ-ერთი უმთავრესი კითხვა, რომელიც მუდმივად ჩნდება არის: "ვინ არის მსოფლიო ფეხბურთის უდიდესი ფეხბურთელი?" სახელების ჯაჭვი ჩნდება: კრუიფი, მარადონა, პელე, პუშკაში და დი სტეფანო. ჩემი წარმოდგენით ალფრედო ფეხბურთის ერთ-ერთი უდიდესი მოთამაშე იყო."

"ალფრედო დაუჯერებლად ბალანსირებული ფეხბურთელი იყო. ევროპის ჩემპიონების თასის ფინალში "აინტრახტის" კარში გატანილ მის გოლს თუ ნახავთ, მიხვდებით რასაც ვგულისხმობ. სანამ ფინალში მადრიდის "რეალს" დაუპირსპირდებოდა, "აინტრაქტმა" "რეინჯერსი 6-3 და 6-1 ანგარიშით დაამარცხა. მაშინ მათ ღმერთებად მიიჩნევდნენ. ფინალში კი "რეალმა" დი სტეფანოს თაოსნობით, გერმანელები 7-3 დაამარცხა. ვგონებ ეს ყველაზე სანახაობრივი ფინალი იყო. ეჭვი მეპარება ვინმემ 10 გოლის გატანა მოახერხოს ფინალში."

"მაგრამ დი სტეფანოსადმი ჩემი საუკეთესო მოგონება "აბერდინისა" და "რეალის" ფინალური დაპირისპირება იყო, როცა ჩვენ გამარჯვება მოვიპოვეთ. როცა ფინალამდე ერთი დღით ადრე გუნდები ერთად ვარჯიშობდნენ, დი სტეფანოს შამპანური და ვისკი ვაჩუქე, რათა ამით ჩემი პატივისცემა გამომეხატა. ვუთხარი: "ბატონო დი სტეფანი, თვენთვის საჩუქრის ჩუქება მინდა". მას ძალიან გაუკვირდა ჩემი ქმედება."

"მატჩის შემდეგ მან მითხრა: "იმის ყიდვა, რაც "აბერდინშია" ფულით შეუძლებელია. მათ სული და ოჯახური სულისკვეთება აქვთ". ნათელია, რომ ასეთი ადამიანის გუბებიდან ამოსული სიტყვები განსაკუთრებული ქება იყო ჩვენთვის". - იგონებს ფერგიუსონი.

redevils.ru