"მანჩესტერ იუნაიტედის" ყოფილი ნახევარმცველი, პოლ სქოულზი თვლის, რომ ახალი მთავარი მწვრთნელი, ლუი ვან გაალი კლუბის შედეგებს წინა წელთან შედარებით 20-25%-ით გააუმჯობესებს.
დევიდ მოიესის 10 თვიანი, დეპრესიული მმართველობის პერიოდში განცდილი იმედგაცრუების შემდეგ "იუნაიტედმა" განახლება დაიწყო და ახალი მთავარი მწვრთნელის მოყვანასთან ერთად უკვე დახარჯა 60 მლნ. ფუნტი.
როგორც "იუნაიტედის" გულშემატკივრები, ისე პოლი მოუთმენლად ელოდება ახალი სეზონის დაწყებას და სჯერა, რომ ვან გაალი გუნდის შედეგებს გააუმჯობესებს.
"ამჟამად "მანჩესტერ იუნაიტედის" გულშემატკივრები (და მეც) მოუთმენლად ველოდებით ლუი ვან გაალის მუშაობის დაწყებას."
"მისი გუნდი, რომელსაც ერთი ნაბიჯი აშორებს მსოფლიო ჩემპიონატის ფინალამდე, არ არის ჰოლანდიის კლასიკური ნაკრები. მსგავსი პროცედურის გატარება მოუწევს "იუნაიტედშიც", მას შემდეგ რაც კლუბს შოკისმომგვრელი 2013/14 წლების სეზონი ჰქონდა."
"ჩანს ვან გაალს მიდასის შეხების უნარი გააჩნია და თავისი სამწვრთნელო რეპუტაციითა თუ გამოცდილების ხარჯზე მას კლუბისთვის ბევრი რამის გაკეთება ძალუძს. ვგრძნობ, რომ წინა სეზონის შედეგებს 20-25%-ით გააუმჯობესებს".
"ახალწვეულების, ლიუკ შოუს, ანდერ ერერასა და არსებული ფეხბურთელებისგან ის მაქსიმუმს მიიღებს. მე მართლაც აღტაცებით ველოდები ახალ სეზონს." - განაცხადა სქოულზმა Paddy Power-ის საკუთარ ბლოგზე.