ინგლისური პრესა სენსაციურ ცნობას ავრცელებს. "მანჩესტერ იუნაიტედი" მზადაა "მონაკოს" £65 მილიონ ევრო ახლავე გადაუხადოს და თან ბონუსების ისეთ პროგრამას სთავაზობს, რომ ჯამში ფრანგულმა კლუბმა შეიძლება 90 მილიონი ფუნტი მიიღოს...
ჟურნალისტების თქმით, ეს ტრანსფერი გამორიცხული არ არის, რადგან "მონაკომ" რამდენიმე დღის წინ ოფიციალურ საიტზე გამოაცხადა, რომ კოლუმბიელი ფეხბურთლი 80 მილიონ ევროდ არის შეფასებული. თუ ფრანგები ბონუს-პროგრამას გაითვალისწინებენ "იუნაიტედისგან", ტრანსფერს წინ აღარაფერი დაუდგება. ცნობისთვის გეტყვით, რომ როდრიგესი მონეგასკებმა £45 მილიონ ევროდ შეიძინეს "პორტუსაგან", მაგრამ მისი სატრანსფერო ფასი მხოლოდ £35 მილიონ ევროს შეადგენდა, მაგრამ მიმდინარე მუნდიალზე 22 წლის თავდამსხმელმა კარგი თამაშით გამოიჩინა თავი, მსოფლიოს ჩემპიონატზე 6 გატანილი გოლით ჯერაც საუკეთესო ბომბარდირია და აქედან გამომდინარე, მისმა ფასმა შესამჩნევად აიწია.