რობინ ვან პერსიმ თავისი თანაგუნდელები შეაქო მსოფლიო ჩემპიონატზე ჩატარებული შეხვედრების გამო და გამოტყდა, რომ ამაყობს კაპიტნის სამკლაურის ტარებით.

ჰოლანდიის ეროვნულმა ნაკრებმა მოქმედი მსოფლიო ჩემპიონი, ესპანეთის ეროვნული ნაკრები დაამარცხა (5-1), დაიკავა ჯგუფში პირველი ადგილი და 1/8 ფინალში მექსიკის ნაკრებს სძლია. რობინ ვან პერსის აქტივში სამი გატანილი გოლია მიმდინარე ჩემპიონატზე. მისი ნაკრები 1/4 ფინალურ შეხვედრაში კოსტა რიკის ნაკრებს დაუპირისპირდება, რომელმაც სიკვდილის ჯგუფში ორი ევროპული ნაკრები, იტალია და ინგლისი ჩატოვა.

რობინ ვან პერსის თავისი ნაკრების სწამს და დარწმუნებულია, რომ ისინი წარმატებას აუცილებლად მიაღწევენ.

"ნაიჯელ დე იონგს 20 წელზე მეტია ვიცნობ. ის - ნამდვილი მებრძოლია. ის ნამდვილად დაგვაკლდება კოსტა-რიკასთან მატჩში. მეორეს მხრივ კი ნამდვილად დაინახავდით, რომ მექსიკასთან შეხვედრაში მისი შეცვლა ნამდვილად შეძლო დეილი ბლინდმა. ძალიან ბედნიერები ვართ, რომ ნაიჯელმა ტრავმის გამო არ დავტოვა და ჩვენთან ერთად აღიდგენს ძალებს."

"ჩვენს გუნდში ძალიან დიდ როლს თამაშობენ ახალგაზრდები. მაგ. მემფის დეპაი. ძალიან მომწონს მასში ის, რომ არ ერიდება თამაშის საკუთარ თავზე აღებას და ძალიან სწრაფად იღებს გადაწყვეტილებებს. თუ გავითვალისწინებთ ამ ტურნირის დონოეს, ეს ძალიან ძნელია."

"ახალგაზრდა ფეხბურთელებს ხშირად ვესაუბრები. იორდი კლასის ძალიან სურს მოედანზე გამოსვლა და ის იმსახურებს ამას, რადგან ბეჯითად ვარჯიშობს. ჩვენ ვართ გუნდი, რომლის თითოეულ წევრსაც სურს საკუთარი წვლილის შეტანა საერთო საქმეში. ეს არის სწორი მიდგომა, რომელიც იმედი მაქვს, რომ წარმატებას მოგვიტანს მიმდინარე მსოფლიო ჩემპიონატზე."

"ჩვენ მწვრთნელს გამარჯვება სურს და სწორედ ამიტომ არ აშინებს სათამაშო სქემის შეცვლა მატჩის მიმდინარეობისას. მოთამაშეთა დიდი დამსახურება გახლავთ ის, რომ მალევე ეგუებიან ამ სქემას და გამარჯვებები მოაქვთ. ჰოლანდიური პრესა დარწმუნებული იყო, რომ მსოფლიო ჩემპიონატზე ვერაფერს მივაღწევდით, მაგრამ ჩვენი გუნდური სულისკვეთებ ის შედეგად დავამტკიცეთ, რომ ბევრი რამის გაკეთება შეგვიძლია."

"ამაყი ვარ იმით, რომ კაპიტნის სამკლაურს ვატარებ. ჩვენთვის დიდი პატივია ტურნირის ამ ეტაპზე ყოფნა. ჩვენ - ნამდვილი გუნდი ვართ."

redevils.ru