ანდერს ლინდეგაარდი აცხადებს, რომ მასა და მის თანაგუნდელებს სურთ, Aon-ის მიერ ორგანიზებულ სახაფხულო ტურნეზე გამარჯვებას მიაღწიონ.

"იუნაიტედი" ერთ-ერთი გუნდი იქნება იმ რვათაგან, რომლებიც საერთაშორისო ჩემპიონთა თასზე (სჩთ) მიიღებენ მონაწილეობას. მას შემდეგ, რაც Chevrolet Cup-ს გათამაშებაში "იუნაიტედი" "ლა გალაქსის" დაუპირისპირდება, ლუი ვან გაალის შეგირდები დენვერში "რომას", ვაშინგტონში "ინტერს", ხოლო არბორში მადრიდის "რეალს" დაუპირისპირდებიან, რათა სჩთ-ს ფინალში მონაწილეობის უფლება მოიპოვონ, რომელიც მაიამიში გაიმართება. ამ ჯგუფში გამარჯვებულს შეხვდება მეორე ჯგუფის გამარჯვებული, რომელსაც "მილანი", "ოლიმპიაკოსი" "სიტი" და "ლივერპული" აკომპლექტებენ.

ლინდეგაარდის თქმით სჩთ-ს მოგება დიდი პატივი იქნება კლუბისთვის.

"გვსურს გავიმარჯვოთ ნებისმიერ ტურნირზე, სადაც კი ვმონაწილეობთ. დიდებულია ასეთ ღონისძიებაში მონაწილეობა, მიუხედავად იმისა, რომ ეს ამხანაგური შეხვედრები იქნება. დიდებული ინიციატივაა. ჩვეულებრივ ჩვენ ადგილობრივ გუნდებს ვეთამაშებით და ძირითადი აქცენტი გადატანილია თამაშის იმ ნაწილზე, რომელშიც ყურადღება ფიზიკურ მომზადებას ექცევა. რა თქმა უნდ ამას ისევ მიექცევა ყურადღება, მაგრამ ახლა უკვე დამატებითადაც, რამეთუ ასეთი დიდი გუნდების წინააღმდეგ ვითამაშებთ. ხალხისთვის უდიდესი სიამოვნება იქნება ამის ყურება - არა მხოლოდ ადგილობრივი, არამედ მთელი პლანეტის მცხოვრებთათვის." - აცხადებს ლინდეგაარდი.

manutd.com