"მანჩესტერ იუნაიტედის" ინგლისელი ნახევარმცველი, მაიკლ კერიკი, რომელიც მსოფლიო ჩემპიონატზე არ იმყოფებოდა, შედარებით დასვენებული შეხვდება ამერიკის ტურნეს.
გასული სეზონის წარუმატებლობაში თავისი ბრალი მიუძღვის 32 წლის ინგლისელსაც. ამიტომ იგი ძალიან მონდომებულია, რომ ახალ სეზონში ყველაფერი თავის ადგილზე დააბრუნოს.
"გასული წელი არავის არაფერში არ ეთვლება. ახალი განწყობიღ, მოლოდინითა და წარმატების სურვილით ვხვდებით ახალ კამპანიას."
"არ ვაპირებ ამ სეზონში წინა წლებისგან განსხვავებული რამ ვაკეთო"
"მიუხედავად იმისა იგებ თუ აგებ, მომდევნო წელი მაინც ახალად უნდა დაიწყო და ყველაფერი კიდევ ერთხელ გააკეთო."
"ცუდი შეგრძნებაა, როცა რაღაც კარგად არ მიგდის."
"ყველა ყველაფერს აკეთებდა, რათა წარმატებისთვის მიგვეღწია, მაგრამ ხანდახან ესეც არ კმარა"
"შენ ჩავარდნები გექნება და ელოდები, რომ მალევე აღმოფხვრა ის - დრო და დრო ამას ვახერხებდით აღმოფხვერით კიდეც - შემდეგ კი შედეგები და თამაში კვლავ ცუდდებოდა, როცა უკან ვდგამდით ნაბიჯს."
"ეს ძალიან სამწუხარო იყო. უკან როცა მოიხედავდი, მხოლოდ იმედგაცრუება გხვდებოდა, მაგრამ ჩვენ ამისგან ბევრი რამ ვისწავლეთ."
"არასდროს ვწყვეტდით სწავლას და იმას ვაკეთებდით, რაც შეგვეძლო"
ვან გაალმა უკვე ჩაატარა გარკვეული სამუშაოები კლუბში და მან ორი ახალწვეული, ანდერ ერერა და ლუკ შოუ შესძინა კლუბს.
კერიკს კი სჯერა, რომ "იუნაიტედს" შესწევს ძალა, მომდევნო წელს პრემიერ-ლიგისთვის იბრძოლოს.
"ჩვენ ჯერ კიდევ გვაქვს საკმარისი შესაძლებლობა იმისთვის, რომ შევებრძოლოთ მათ - არაფერს ვამბობ საზაფხულო განახლებაზე". - ამბობს კერიკი.