რუუდ გულიტს ერთი წამითაც არ ეპარება ეჭვი იმაში, რომ "მანჩესტერ იუნაიტედის" ახალი მთავარი მწვრთნელი, ლუი ვან გაალი ინგლისსა და საერთაშორისო არენაზე "წითლებთან" ერთად დიდ წარმატებებს მიაღწევს.
"ლუი ვან გაალს ძალიან გაუჭირდება, მითუმეტეს თუ გავითვალისწინებთ ინგლისური პრესის მუშაობის სპეციფიკას. საინტერესო იქნება მის პრეს-კონფერენციებზე თვალის დევნება. ის არის ძალიან კარგი სპეციალისტი, რომელმაც იცის, თუ როგორ იმუშაოს გუნდთან. მწამს, რომ ლუი ვან გაალი "იუნაიტედთან" ერთად წარმატებებს მიაღწევს. მას მუშაობის საკუთარი სტილი აქვს, რომელსაც უბრალოდ უნდა შეეგუოთ. დიახ, ის კონფლიქტური ადამიანია. მაგრამ თუ ვან გაალი რეგულარუად იმარჯვებს, განა სულერთი არაა?"
გულიტი ასევე თვლის, რომ ახალგაზრდა ფეხბურთელების მომზადებას ინგლისში განახლება ესაჭიროება: "ინგლისური ფეხბურთის ყველაზე დიდ პრობლემას წარმოადგენს ის, რომ ყველაზე მნიშვნელოვან პოზიციაზე უცხოელები თამაშობენ. მოთამაშეთა მომზადება სულ პატარა ასაკიდან დაიწყეთ, გაზარდეთ პიროვნებებად და უკვე შემდეგ შექმენით კონკურენტუნარიანი პირობები, რომელშიც თქვენს ნიჭიერ ფეხბურთელებს თავის გამოჩენის რეალური საშუალება მიეცემათ."