"მანჩესტერ იუნაიტედმა" და "შევროლემ" გაავრცელეს ახალი ვიდეო, სადაც ასახულია "წითელი ეშმაკების" ფორმის ისტორია. 2014-15 წლების სეზონიდან, "მანჩესტერ იუნაიტედის" მაისურს "შევროლეს" ლოგო დაამშვენებს. შეგახსნებთ, რომ "მანჩესტერ იუნაიტედმა" "ჯენერალ მოტორსთან" შვიდწლიანი ხელშეკრულება გააფორმა.



ვიდეო მოიცავს იუნაიტედის ფორმებს სხვადასხვა წლებში, ამსთანავე ნაჩვენებია კლუბის სპონსორების სიაც, მაგრამ კლიპი წყდება, სანამ ახალი სპონსორის, შევროლეს მაისური გამოჩნდება.

შევროლე გახდება იუნაიტედის მეხუთე სპონსორი, რომლის სახელწოდებაც მაისურზე იქნება დაწერილი. იუნაიტედის სპონსორები მანამდე იყვნენ: Sharp, Vodafone, AIG და AON.

კლიპში მონაწილეობენ სერ ბობი ჩარლტონი დადენის ლოუ. რეკლამა უეინ რუნის სიტყვებით სრულდება: "მაისური გეკუთვნის შენ. ეს ასე იყო და ყოველთვის ასე იქნება".