"მანჩესტერ იუნაიტედის" ლეგენდა, პოლ სქოულზი აკრიტიკებს ჯესი ლინგარდის "დამჩაგრველებს".
საკუთარ Paddy Power - ზე პოლმა განაცხადა, რომ "მანჩესტერ იუნაიტედმა" უფრო მეტი დრო უნდა მისცეს ნიჭიერ ინგლისელებს და მათ შორის ჯესი ლინგარდსაც.
ჯესი უორინგტონის მოქალაქე გახლავთ და იგი შემტევი სტილის ფეხბურთელია, რომელსაც საგულისხმო სისწრაფე და საგოლე ალღო აქვს, რაზეც ჩემპიონშიპში მის მიერ გატანილი ათი გოლი მოწმობს. მას საშუალება ჰქონდა, გასულ წელს წინასასეზონო მომზადებისას გუნდთან ერთად ყოფილიყო, მაგრამ არასდროს მიუღია მონაწილეობა სერიოზულ შეხვედრაში.
სამაგიეროდ შესაძლებლობა მიიღო იანუზაიმ, რომელმაც შთაბეჭდილების მოხდენაც მოახერხა. მიუხედავად იმისა, რომ არავითარ ეჭვს არ იწვევს იანუზაის ნიჭიერება, სქოულზმა ინგლისელისთვის დორის სიმცირის საკითხი წამოწია წინა პლანზე. ის იქამდეც კი მივიდა, რომ შე,დეგი წინადადება ახსენა: "ლინგარდი გაცილებით უკეთეს თამაშს აჩვენებდა წინასასეზონო შეხვედრებში."
პოლ სქოულზი: "იუნაიტედთან" ერთად ლინგარდი წინა წელს სეზონის დაწყებამდე, რამდენიმე ხნით ადრე ტურნეზე იმყოფებოდა, რამდენიმე გოლი გაიტანა და მშვენივრადაც გამოიყურებოდა. ჩემი აზრით ხანდახან ის უკეთ თამაშობდა, ვიდრე იანუზაი, მაგრამ შანსი მაინც ვერ მიიღო."
"იანუზაის ნიჭს ეჭვქვეშ არ ვაყენებ, მაგრამ თუ ლინგარდს მისცემენ შანსს, მას შეუძლია თავი პირველ გუნდშიც გამოიჩინოს. მისი შესაძლებლობები რომ გავითვალისწინოთ, ლინგარდს შეუძლია კაგავაც გამოიწვიოს ადგილისთვის ბრძოლაში."