ლუი ვან გაალი და რობინ ვან პერსი უკვე ასახელებენ "იუნაიტედს" მსოფლიო ჩემპიონატზე, თუმცა დღეს კიდევ ერთი ჰოლანდიელის გახსენების დღეა, რომელიც სრულიად დამსახურებულად იმსახურებს პატივისცემას მანჩესტერული კლუბისგან. კლუბის ყოფილი თავდამსხმელი, რუდ ვან ნისტერლოი დღეს 38 წლის გახდა.

რუდ ვან ნისტერლოი არის ის ფეხბურთელი, რომელმაც 150-ჯერ დალაშქრა მეტოქე გუნდის კარი 219 შეხვედრაში და განსაკუთრებით დასამახსოვრებელია 2002/03 სეზონები, როდესაც ჰოლანდიელმა 44 გოლი გაიტანა ერთ სეზონში, რითაც მან კლუბის რეკორდსმენის დენის ლოუს რეკორდი გააუჯობესა. ამავე სეზონში მან მოიგო პრემიერ ლიგის "ოქროს ბუცი" - ისევე როგორც "იუნაიტედის" მეორე ჰოლანდიელმა რობინ ვან პერსიმ აიღო ეს ჯილდო რამდენიმე სეზონის წინ.

სერ ალექს ფერგიუსონის დახმარებით, რუდ ვან ნისტერლოიმ "იუნაიტედში" ჩაატარა 5 სეზონი და მოიგო პრემიერ ლიგა, ასოციაციის თასი, ლიგის თასი და ამის შემდეგ 2006 წელს მან დატოვა ოლდ ტრაფორდი, როგორც კლუბის ლეგენდარული ფეხბურთელის სტატუსით. ახლა სწორედ ვან გაალი ეცდება, რომ დაწეროს ჰოლანდიური ისტორია "ოცნების თეატრში".