"იუანიტედის" შენაძენი, რომელიც პირველი გამოდგა წელს გახლავთ ანდერ ერერა, რომლსაც კლუბი გასული წლიდან აკვირდება და ცდილობს მის ყიდვას. ფეხბურთელიც დიდი სიმპატიებით იყო "წითელი ეშმაკუნების" მიმართ განწყობილი, მაგრამ ეს ტრანსფერი წინა ზაფხულში არ შედგა.

როდესაც გსურს შენს საყვარელ კლუბში გადასვლა და ტრანსფერი ჩაგეშლება, ხარ ახლაგზრდა, იღებ ძალიან დიდ იმედგაცრუებას, მაგრამ ანდერ ერერამ ხელები არ ჩამოუშვა და ალბათ საუკეთესო სეზონი ჩაატარა ატლეტიკო "ბილბაოს" შემადგენლობაში.

ტრანსფერი მხოლოდ იმიტომ ჩაიშალა, რომ გასულმა "იუნაიტედის" ყოფილმა მწვრთნელმა დევიდ მოიესმა ჩათვალა, რომ ერერა 28 მილიონი არ ღირდა. სხვანაირად ფიქრობს ლუი ვან გაალი და თვლის, რომ ფეხბურთელი კლუბისთვის ძალიან აუცილებელი იქნება, მისი ფასი კი კონტრაქტის თანახმად პირველ ივლისს კიდე 32 მილიონ ფუნტამდე გაიზრდებოდა. ალტლეტიკო "ბილბაო" – ეს კლუბი ძალიან გამოირჩევა პატრიოტიზმით და ამ გუნდში თითქმის ყველა ფეხბურთელი ბასკია. ფეხბურთელები გამოირჩევიან კლუბისადმი დიდი სიყვარულით.



ისეთი მოთამაშეები, როგორებიც არიან ხუელ გარერო, რომელმაც აქ მთელი თავისი კარიერა გაატარა, ხოსებ ეჩებერია, რომელმაც ბოლო სეზონი კლუბში ყოველგვარი ანაზღაურების გარეშე ჩაატარა. ეს იმაზე მიგვანიშნებს, რომ ამ გუნდში ნამდვილი პატრიოტი ფებურთელები იზრდებიან. მთავარი აზრი კი ის არის, რომ როდესაც ძირეული ბასკი სხვა კლუბში გადავა - ეს გამყიდველობად ითვლება.

ერერაც ნამდვილი ბასკია, რომელიც ბილბაოში 6 მილიონ ფუნტად 2011 წელს გადავიდა, მან ფეხბურთის მაღალ დონეზე თამაში "სარაგოსას" აკადემიიდან დაიწყო. მხოლოდ 3 წელი გაატარა კლუბში, ამიტომ ის არ ითვლება მოღალატე ფეხბურთელად.

აღსანიშნავია ის ფაქტიც, რომ ერერა ძალიან დაეხმარა "ბილბაოს" ჩემპიონათა ლიგაზე გასვალში, მაგრამ თვითონ გადავიდა კლუბში, რომელიც 19 წლის მანძილზე პირველად ვერ იასპარეზებს ევროპის უდიდეს ტურნირზე.

ფეხბურთელმა თავი იმით უნდა დაიმშვიდოს, რომ ახლა "მანჩესტერ იუნაიტედი" მხოლოდ ზევით წავა. ანდერი წელიწადში 3 მილიონს მიიღებს ხელფასის სახით, ხოლო მისი უკვე ყოფილი კლუბი კმაყოფილი უნდა იყოს, რადგან მათ ამ ტრანსფერში 23 მილიონი ნახეს მოგება.




მოდით ახალ პირადად ანდერზე ვისაუბროთ. ის ძალიან არ განსხვავდება თავისი კერპისგან, ანდრეს ინიესტასგან. ერერა სწრაფი, მამაცი, შემტევი ფეხბურთელია, რომელიც საქმეს ყოველთვის პასუხისმგებლობით ეკიდება. ძალიან ბევრი თვლის, რომ მალე "ბარსელონას" და ეპსანეთი მაესტრო -ანდრეს ინიესტას, სწორედ ანდერ ერერა ჩაანაცვლებს ნაკრებში.

გასულ სეზონში "ბარსელონამ" "ბილბაო" 6-1 გაანადგურა, ხოლო ერერამ მაისური სწორედ მის კერპთან - ინიესტასთან გაცვალა და ეს ფაქტი ასე აღწერა:"მე ძალიან გახარებული ვარ, რადგან მაქვს მაისური, რომლზეც მთელი ცხოვრება ვოცნებობდი, მაგრამ ის უფრო მიხარია, რომ ანდრესმა სამაგიეროდ ჩემი მაისური დაიტოვა."

მისთვის საუკეთესო პოზიცია ალბათ "ათ ნომერზე" თამაშია, თავდამსხმელის უკან. მაგრამ ვთვლი, რომ ის საუკეთესო იქნება მის რეალურ პოზიციაზე – ცენტრალური ნახევარმცველი. მას ძალიან კარგად შეუძლია მეტოქის სუსტი ადგილების პოვნა და ცარიელ ზონებში ბურთის გადაგზავნა. მხოლოდ სესკ ფაბრეგასმა გააკეთა მასზე მეტი გამჭოლი პასი მეტოქის საჯარიმოში, რაც ამტკიცებს, რომ ერერას შესანიშნავი მინდვრის ხედვაც აქვს.



ერერას თავისი შესაძლებლობების გაუმჯობესება კიდევ შეუძლია, მაგრამ მისი მიზანდასახულობა და ბევრი მუშაობა ისედაც დასაფასებელია. მან "სან მამესზე" დიდი ზეწოლისდა მიუხედავად ყველაფერს თავი გაართვა და ყველამ შეიყვარა კიდეც.

გულშემატკივარს მოეწონება შემდეგი სიტყვები:"ერერა ძალიან სასიამოვნო ახალგაზრდა ფეხბურთელია და დარწმუნებული ვარ, რომ ეს მხოლოდ დროის საკითხია, თუ როდის მისცემს მას კიდევ ერთხელ ანდრეს ინიესტა თავის მაისურს."