გრძელდება ყოველკვირეული ინტერვიუ redarmy.ge - ს მომხმარებლებთან. ჩვენი მომდევნო რესპოდენტი ნიკა ბაკურაძე (nika_123) გახლავთ. იგი User - თა ჯგუფის წარმომადგენელი გახლავთ. სანამ მის შესახებ მოგიყვებოდეთ, მანამ გავიცნოთ ახლოს.

გამარჯობა ნიკა. გაგვეცანით თუ შეიძლება.

გამარჯობა, პირველ რიგში მინდა გითხრათ, რომ ძალიან მიხარია ამ პროექტში მონაწილეობა, ნამდვილად არ ველოდი მე თუ ამირჩევდნენ. ვარ 18 წლის, თბილისელი, ვსწავლობ საავიაციო უნივერსიტეტში პირველ კურსზე, საინჟინრო ფაკულტეტზე. ძალიან მიყვარს წიგნების კითხვა, ჩემი საყვარელი მწერალი ერიხ მარია რემარკია. ჩემი ცხოვრების განუყოფელი ნაწილია გიტარა დღეში მინიმუმ 2-3 საათს მასთან ვატარებ. რადგან მასწავლებელი არ მყავს, ყველაფერს ჩემით ვსწავლობ ინტერნეტის გამოყენებით. კიდევ ძალიან მიყვარს ცურვა. ვარ მოყვარული მოცურავე და უკვე დიდი ხანია ვვარჯიშობ გლდანის საცურაო აუზზე.

როგორც მოგეხსენებათ თვეში ერთხელ, ჩვენი ინტერვიუს რესპოდენტები საიტის User - ები იქნებიან. თუმცა მათი შერჩევა შემთხვევით არ ხდება - საიტის მომხმარებლებს შორის ტარდება გამოკითხვა თვის საუკეთესო User - ის გამოსავლენად. შესაბამისად ივნისის თვის ყველაზე აქტიურ User - ად ნიკა დასახელდა.

რას გვეტყვით ამის შესახებ?

ძალიან გამიკვირდა, რადგან არანაირად არ ველოდი ჩემ დასახელებას, არ ვფიქრობ რომ რაიმე განსაკუთრებული გავაკეთე, თუმცა მოხარული ვარ, რომ ამირჩეს და მე მოვხვდი ამ პროექტში.

როგორ ფიქრობთ, დამსახურებულად მოიპოვეთ ეს სტატუსი?

ალბათ იმიტომ ამირჩეს, რომ მიყვარს ვრცელი და ყოვლისმომცველი კომენტარების წერა, სადაც სრულ ანალიზს ვუკეთებ სიახლეში მოცემულ ინფორმაციას. მაგრამ მე მაინც არ ვთვილი რომ ვიმსახურებდი, რადგან ჩემზე აქტიური ხალხიც არიან საიტზე.

ინტერვიუ ტრადიციული სახე მივეცით და უშუალოდ კიტხვებზე გადავედით.

რატომ "მანჩესტერ იუნაიტედი"?

სხვებივით ვერ დავიკვეხნი, რომ ძალიან დიდი ხანი ვგულშემატკივრობ "მანჩესტერს". ყოველთვის მიზიდავდა, მაგრამ ბავშვობაში ფეხბურთს არ ვუყურებდი. პირველი მატჩი, რომელიც ძალიან კარგად მახსოვს "ლუვერპული-მილანის" ფინალი იყო რომელიც 3-3 მორჩა. იქ "მანჩესტერი" არ მონაწილეობდა, მაგრამ "ლივერპულმა" გამიღვიძა ინგლისური ფეხბურთისადმი სიყვარული. შემდეგი წლიდან ლიგის ყურება დავიწყე და "მანჩესტერიც" აქ გამოჩნდა, თავიდან მხლოდ ჩემპიონთა ლიგას ვუყურებდი, პრემირ ლიგის ყურება 2009/2010 სეზონის ბლოდან დავიწყე, შემდეგ გავეცანი ისტორიას და მთელი არსებით შემიყვარდა "მანჩესტერ იუნაიტედი".

ნიკას პროფილის ფოტოსურათი შემთხვევითი არ არის. იგი ცნობილი როკ-ჯგუფის, "ლედ ზეპელინის" დიდი გულშემატკივარი გახლავთ.

"ლედ ზეპელინის" შემოქმედებიდან რომელ კომპოზიციას გამოარჩევდით?

Led Zeppelin-ი ან უბრალოდ Zeppo როგორც მე მას ვეძახი ძალიან მიყვარს, მათი შემოქმედებიდან ერთი სიმღერის გამორჩევა ძაიან გამიჭირდება რადგან ძალიან ბევრი კარგი კომპოზიცია აქვთ, ყველა ალბათ Stairway to Heaven-ს იტყოდა მაგრამ მე განსაკუთრებით მიყვარს In My Time of Dying რომელიც 11 წუთიანი კომპოზიციაა, ამ სიმღერაში განსხვავებულ ტონალობას იყენებს ჯიმი პეიჯი გიტარაზე, თან სლაიდერით უკრავს და ძალიან ძლიერ ხმას ქმნის. Zeppo-ს გარდა კიდევ ბევრი ჯგუფი მიყვარს, მაგალითად Pink Floyd, Rainbow, AC/DC, Iron Maiden, Queen.

"ლედ ზეპელინის" კონცერტის ბილეთს გაცვლიდით "მანჩესტერ იუნაიტედის" მატჩის ბილეთში?

აქ ძალიან რთული სიტუაციაა რადგან "ლედ ზეპელინი" დიდი ხანია დაიშალა. კერძოდ კი 1980 წელს დრამერის, ჯონ ბონემის, სიკვდილის გამო, მას შემდეგ ერთადრთი კონცერტი ჰქონდათ 2007 წელს და თუ კიდევ იქნება "მანჩესტერისადმი" დიდი სიყვარულის მიუხედავად მაინც იქ წავალ, რადგან "მანჩესტერი" ყოველთვის თამაშობს და "ზეპპელინს" ალბათ ბოლო კონცერტი ექნება თუ საერთდ შედგა.

როგორც ნიკამ გვითხრა მას ძალიან იზიდავს წიგნების კითხვა და ცურვა.

მომავალში პროფესიონალდ მოცურავეობას ხომ არ აპირებთ?

ჩემთვის უკვე გვიანია პროფესიულ სპორტზე გაყოლა, ამაზე ადრეულ ასაკში უნდა მეფიქრა, ახლა უბრალოდ ვვარჯიშობ ჯანმრთელობისთვის და სიამოვნებისთვის, წარსულში რომ დამაბრუნა ძალიან ბევრ რამეს შევცვლიდი ჩემს ცხოვრებაში, მაგრამ ჯერჯერობით დროში მოგზაურობა შეუძლებელია.

ძირითადად რა ჟანრში კითხულობთ?

როგორც მანამდე აღვნიშნე ძალიან მიყვრას ერიხ მარია რემარკის შემოქმედება, მისი ნაწარმოებებიდან ალბათ "სამ მეგობარს" გამოვარჩევდი რადგან ყველაზე მეტად ამ ნაწარმოებმა იმოქმედა ჩემზე, ფინალში ცრემლიც კი მომადგა თვალზე.

"მანჩესტერ იუნაიტედმა" მოახერხა და როგორც იქნა შეიძინა ორი ფეხბურთელი. ესენი ლუკ შოუ და ანდერ ერერა გახლავთ.

როგორ ფიქრობთ, ტრანსფერებში გადახდილი თანხა გადაჭარბებულია?

ამასთან დაკავშირებით პირველივე დღიდან ვიძახდი რომ ზედმეტ თანხებს იხდიან ფეხბურთელებში. ვუდვორდმა შეიძლება განახორციელა კარგი ტრანსფერები, მაგრამ ყოველ მის ტრანსფერში გადახდილი თანხა ასტრონომიულია და ალბათ დევიდ გილი, ვუდვორდის წინამორბედი, ამდენს არ გადაიხდიდა. ეს ჩემი პირადი აზრია, მაგრამ აშკარაა რომ დევიდ გილის და ფერგის დუეტის დროს ამდენს ფეხბურთელებში არ იხდიდნენ, თუმცა ახლა სხვა დროა და ვნახოთ რა სარგებელს მოუტანს გუნდს დახარჯული თანხა.

ლუკი და ანდერი "მანჩესტერ იუნაიტედის" მაისურს ღირსეულად მორიგებენ?

ამაში 100%-ით დარწმუნებული ვარ ძალიან ნიჭიერები არიან, თან ახალგაზრდები და როგორც ვიცით ლუის ვან გაალს უყვრას ახალგაზრდები, სწორედ მან აღმოაჩნა ბადშტუბერი და მიულერი ბაირენში და მჯერა რომ ისეთი ნიჭიერი ფეხბურთელებით როგორიც შოუ და ჰერეჰა არიან იგი გააძლიერებს გუნდს და წარმატებას მიაღწევს.

ნიკას ოცნების ფანტაზიის გამოყენების საშუალებაც მივეცით.

თქვენზე რომ იყოს დამოკიდებული, "იუნაიტედის" რომელ ფეხბურთელს გაყიდდით?

ჩემზე რომ იყოს დამოკიდებული ალბათ ბანალურად მოვიქცეოდი, პირველ რიგში კლევერლის და იანგს გავუშვებდი, შემდეგ ფლეტჩერს, სამწუხაროდ ნანისაც რადგან იანუზაის, მატას, ვალენსიას, ლინგარდის, ზაჰას და ტომი ლოვრენსის გუნდში ყოფნის გამო მისი ადგილი აღარ არის, შემდეგ გავუშვებდი კერიკს რადგან მან თავისი სიტყვა უკვე თქვა გუნდში. მაიკლის გაშვება ალბათ ყველაზე მტკივნეული იქნებოდა, მაგრამ ახლა სენტიმენტების დრო ნამდვილად არ არის "მანჩესტერში" და გადამწყვეტად უნდა იმოქმედოს ნებისმიერმა ვისზეც არის დამოკიდებული გუნდის ბედი.

წარმოიდგინეთ, რომ ლუი ვან გაალმა თავის სამწვრთნელო შტაბში მიგიწვიათ და არჩევანის თავისუფლება მოგცათ. ვისი/რისი მწვრთნელი გახდებოდით?

მე რომ სამწვრთნელო შტაბში ამიყვანონ წარმოდგენაც არ მაქვს რას ვიზამდი, რადგან არავითარი გამოცდილება არ მაქვს, ალბათ გუნდის ფიზიკურ მომზადებაზე ვიზრუნებდი და ვარჯიშებს გავუძღვებოდი, რომ სწორად გახურებულიყვნენ, ბევრი ევარჯიშათ და არ ეზარმაცათ მატჩისთვის მომზადების დროს.

თქვენ თქვით, რომ მაიკლ კარიკს გაყიდდით. როგორ ფიქრობთ, რა ბედი ეწევა მას სინამდვილეში?

კერიკი ძალიან მიყვარს ის ე.წ. "Unsung Hero" არის, რადგან მხოლოდ შარშან დააფასა გულშემატკივარმა ისე, როგორც იმსახურებდა, თუმცა მე ვფიქრობ რომ მისი დრო წავიდა. ალბათ გუნდიდან წავა, ან მინიმალური სათამაშო დრო ექნება მომავალ სეზონში.

უყურადღებოდ არ დაგვიტოვებია ჩვენი ტრადიციული კითხვაც.

გაიხსენეთ ყველაზე რთული მომენტი თქვენს ცხოვრებაში, რომელიც "მანჩესტერ იუნაიტედს" უკავშირდება.

ყველაზე მტკივნეულად 2009 და 2011 წლის ჩემპიონთა ლიგის ფინალები მახსოვს. იმ დროს განცდილი ემოციური სტრესი მანამდე და მას შემდეგ არასდროს გადამიტანია. "ბარსელონასთან" ორჯერ მარცხი ძალიან რთული ასატანი იყო, 2011 განსაკურებით, რადგან ყველა რევანშს ელოდა და ისევ იმედგაცრუება მივიღეთ.

ეშხში შედის მსოფლიო ჩემპიონატი. ნიკას ამ ტურნირზე ორი ფავორიტი ჰყავდა, თუმცა ინგლისის ნაკრების ჯგუფში ჩარჩენის შემდეგ მხოლოდ ერთი - ჰოლანდიის ნაკრებიღა დარჩა საქომაგოდ.

შეაფასეთ თქვენი საყვარელი გუნდის გამოსვლა მუნდიალზე.

მუნდიალმა განსხვავებული ემოციებით ამავსო - ვქომაგობდი ინგლისს, მაგრამ დამამწუხრეს, საშინლად ითამაშეს, 9 შესაძლოდან 1 ქულა აიღეს და ბოლო ადგილზე გავიდნენ ჯგუფში. თუმცა ძალიან გამახარა ჩემმა მეორე უსაყვარელსმა გუნდმა ჰოლანდიამ. ყოველთვის მომწონდა ჰოლანდიელების თამაში და განსაკუთრებით გამიხარდა როდესაც ესპანელები დაამარცხეს დიდი ანგარიშით, რადგან უკვე დრო იყო რომ " ელ ფურია როხას" მონოპოლია, მსოფლიო ფეხბურთში, დასრულებულიყო.

ბოლოს კი ინტერვიუ საიტის შესახებ კითხვით დავასრულეთ.

რას გვეტყვით Redarmy.ge -ს შესახებ?

Redarmy.ge ძალიან მიყვარს რადგან ამ საიტს ყველაფერი აქვს, საუკეთესო ადმინები, ძალიან სასიამოვნო დიზაინი და უამრავი ახალი პროექტი. ამ საიტზე და მის წინამორბედებზე დაახლოებით 4 წელია ვარ დარეგისტრირებული და მიხარია რომ წინსვლას განაგრძობს.

უსურვეთ რამე საიტს.

საიტს და მის თითოეულ მომხმარებელს თუ ადმინს მინდა ვუსურვო წარმატება, საუკეთესო სპორტული ვებ გვერდია საქართველოში და მინდა რომ ეს სტატუსი რაც შეიძლება დიდ ხანს შეინარჩუნოს.

ნიკა ბაკურაძის ფოტო შეგიძლიათ იხილოთ აქ

P.S. შემდეგი შეიძლება იყოთ თქვენ.