სხვადასხვა ბრიტანული გამოცემის თანახმად "მანჩესტერ იუნაიტედის" ვინგერით ერთდროულად 6 კლუბია დაინტერესებული.

ნანითი დიდი ხანია ინტერესდება იტალიური "იუვენტუსი" და უკვე გასული ზამთრის სატრანსფერო ფანჯრის დროს ნანი ახლოს იყო "იუვენტუსში" გადასვლასთან.

პორტუგალიელით ასევე დაინტერესებულია მილანის "ინტერი", რომელიც ვინგერში 15 მილიონის გადახდას აპირებს.

საინტერესო შემოთავაზებები აქვს ნანის სამშობლოდანაც, ერთდროულად ორი პორტუგალიური გრანდი, "პორტუ" და "ბენფიკა" ცდილობენ ნანის გადაბირებას.

მეხუთე გუნდი კი "მადრიდის ატლეტიკოა", რომელიც ესპანური პრესის თანახმად სულ მალე "იუნაიტედს" 19 მილიონს შესთავაზებს.

ლუიშ ნანის შეძენა ინგლისურ გრანდსაც სურს, ეს "არსენალია", რომელიც საჭიროების შემთხვევაში მზადაა პორტუგალიელში 13 მილიონი გადაიხადოს.

თვითონ ნანი კი გაურკვევლობაშია და ელოდება ახალი მწვრთნელის დაბრუნებას.

რაც შეეხება ლუი ვან გაალს, სწორედ მან დაბლოკა ნანის ტრანსფერი "იუვენტუსში", მიუხედავად იმისა, რომ ტურინელები 21 მილიონს იხდიდნენ.

შეგახსენებთ, რომ მსოფლიო ჩემპიონატზე ნანიმ 3 თამაში ითამაშა და 1 გოლის და 1 საგოლე გადაცემის გაკეთება შეძლო.

ამჟამად ნანის მომავალი ბურუსითაა მოცული.