ესპანელი ანდერ ერერა იქნება ლუი ვან გაალის პირველი შენაძენი, რომლითაც იგი სატრანსფერო აქტივობებს გახსნის და უფრო მეტად მუნდიალის დასრულების შემდეგ გააქტიურებს. ტრანსფერი ოფიციალურად დღეს უნდა დადასტურდეს, რომლის ფასი 28 მილიონს შეადგენს.

როგორც უკვე ვთქვით, ერერას ტრანსფერი არ იქნება პირველი და უკანასკნელი მიმდინარე სატრანსფერო ფანჯარაზე, ვინაიდან ესპანელის გზას ლუკ შოუც გაჰყვება, რომლის სატრანსფერო ღირებულებაც 34 მილიონს შეადგენს. თუ ეს ტრანსფერი ამ ფასად განხორციელდა, მაში შოუ ყველაზე ძვირადღირებულ თინეიჯერად შეგვიძლია ჩავთვალოთ.

ვან გაალი, რომელიც ამჟამად თავისი ქვეყნის ნაკრების გაწვრთვნით არის დაკავებული, პარალელურად საკლუბო საქმეებსაც აგვარებს და მისი "დამსახურებით" დღეს "იუნაიტედს" ორ გამოცდილ მცველს უკავშირებენ.

"იუნაიტედის" ქომეგებმა დიდი ხნის წინ შეიტყვეს, ნემანია ვიდიჩისა და რიო ფერდინანდის კლუბიდან წასვლის შესახებ. ასე რომ ვან გაალს დაცვის მხრივაც აქვს პრობლემები მოსაგვარებელი. გარდა მატს ჰუმელსისა, რომელსაც უკვე თვეებია "იუნაიტედს" უკავშირებენ, მოსვლის კანდიდატად განიხილება ბრუნო მარტინსიც, რომელიც ჰოლანდიის ნაკრებში ასპარეზობს ვან გაალის ზედამხედველობის ქვეშ.

აქვე მოგახსენებთ იმასაც, რომ ბრუნო მარტინსი არ არის ერთადერთი ჰოლანდიერლი, რომელიც ვან გაალს სურს რომ ოლდ ტრაფორდზე "წაიყოლოს." საუბარია არიან რობენზე, რომელიც ჭორების თანახმად ვან გაალის ერთ-ერთი მთავარი სამიზნია. მიუხედავად მჭიდრო კავშირებისა, "იუნაიტედის" ახალ ბოსს გაუჭირდება "მიუნჰენის ბაიერნის" ვარსკვლავის გადმობირება.

წყარი: Mirror