მოსკოვის ''დინამომ'' განაცხადა, რომ ''მანჩესტერ იუნაიტედის'' მცველი ალექს ბიუტნერი მოსკოვურ კლუბს შეუერთდა. ამჟამად ბიუტნერი ემზადება ავსტრალიაში გასამგზავრებლად თავის ახალ კლუბთან ერთად.
''მანჩესტერ იუნაიტედის'' მცველი ალექს ბიუტნერი შეუერთდა ''დინამოს''. კონტრაქტი უკვე შეთანხმებულია, მხოლოდ ტექნიკური მხარეა მოსაგვარებელი.'' ნათქვამია "დინამოს" ოფიციალურ საიტზე.
ასევე გამოქვეყნებულია ბიუტნერის ინტერვიუც: "მინდა ვითამაშო ჩემპიონთა ლიგაზე, "დინამოში" უკვე ძლიერი შემადგენლობაა და დარწმუნებული ვარ, რომ შევძლებთ პირველობისთვის ვიბრძოლოთ ამ სეზონში."
"პირველად ვარ რუსეთში, მინდა ოჯახი გვერდით მყავდეს ეს ადაპტაციაში დამეხმარება, გუშინ ერთად მოვიარეთ მოსკოვი, ერთად ვისადილეთ. შესანიშნავი პირობებია ბაზაზე: დიდი ბასეინი, შესანიშნავი მოედანი და ასევე ტრენაჟორებიც. მოხარული ვარ "დინამოში" მოხვედრით!"