ლონდონის "ჩელსის" ყოფილი ნახევარმცველი, მიხაელ ბალაკი თვლის, რომ ინგლისის ნაკრები მხოლოდ უეინ რუნის ირგვლივ უნდა აეწყოს.

ბრაზილიის მსოფლიო ჩემპიონატზე მოხდა ისე, რომ არათუ ნაკრები ეწყობოდა რუნის ირგვლივ, არამედ თავად რუნი ეწყობოდა ნაკრების ირგვლივ და ის მუდმივად პოზიციის ძებნაში იმყოფებოდა.

ბალაკი კი თვლის, რომ ინგლისელთა მთავარი ფიგურა რუნია და ის იქ უნდა თამაშობდეს, სადაც თავად მოისურვებს.

"ჩემი აზრით რუნი იყო ინგლისელთა ერთადერთი ფეხბურთელი, რომელსაც მატჩის ბედის გადაწყვეტა შეეძლო. მას შეუძლია მეტოქე გუნდისთვის ზიანის მიყენება და მხოლოდ ის არის მსოფლიო დონის მოთამაშე"

"ზოგიერთებს მისი მოშორება სურთ, ეს კი სისულელეა. ის ყოველთვის ცენტრში უნდა თამაშობდეს, ხოლო მისთვის ფლანგზე გადასვლის თხოვნა - დროის ფუჭი ხარჯვაა. ის ნაკრების საუკეთესო ფეხბურთელია და თავისუფლებას უნდა გრძნობდეს."

"მიუხედავად პრობლემებისა, ინგლისი უკეთ გამოიყერობა ვიდრე ორი წლის წინ და როი ჰოჯსონს მართებს რუნის ირგვლივ თამაშის აგება. თავის ქვეშევრდომებს უნდა უთხრას, რომ ყოველთვის რუნის ირგვლივ ითამაშონ" - აცხადებს ბალაკი The Times - თან ინტერვიუში.

fapl.ru