28 წლის ვინგერი ამჟამად მისი ქვეყნის ღირსებას იცავს და ეხმარება ეკვადორელებს ღირსეული შთაბეჭდილება მოახდინონ 2014 წლის მსოფლიო ჩემპიონატზე. თუმცა, მიუხედავად ამისა, ჭორები მის წასვლასთან დაკავშირებით არ წყდებოდა. მთავარი მსურველი ლონდონის "ტოტენჰემი", მოგვიანებით კი "ლივერპული" გახლდათ.
მას შემდეგ რაც, 2009 წლის აგვისტოში ანტონიო "გაეშმაკდა", მან 200 მატჩი ჩაატარა "იუნაიტედის" მაისურით და სულ ახლახანს, სამწლიან კონტრაქტს მოაწერა ხელი. ამ ფაქტზე კომენტარი გააკეთა "იუნაიტედის" ცოცხალმა ლეგენდამ და მწვეთვნელის ასისტეტმა - რაიან გიგზმა.
"ანტონიო ძალიან ძლიერი ფეხბურთელია. იგი გამოირჩევა მშვენიერი სისწრაფით და მრავალფეროვნებით. იგი ვარჯიშს როგორც პროფესიონალი ისე უდგება და მიხარია რომ მან კლუბთან კავშირი გაახანგრძლივა."
თავად ვალენსია კი აცხადებს, რომ მოუთმენლად ელის ლუი ვან გაალთან მუშაობის დაწყებას. ეს ყოველივე კი მუნდიალის დასრულების შემდეგ მოხდება.
""იუნაიტედში" ჩემი ყოფნა ოცნების ასრულებას გავს. მე ვარ პირველი ეკვადორელი, რომელმაც პრემიერ ლიგის თასი ასწია და ეს დიდ სიამაყის გრძნნობას მიღვიძებს. მიხარია, რომ კონტრაქტი გავახანგრძლივე და მოუთმელად ველი ვან გაალთან მუშაობას. კლუბში დიდებული ატმოსფეროა და გვინდა მალე დავუბრუნდეთ ჩვეულ დიდებას"- აცხადებს ვალენსია.