ინგლისის ნაკრების ყოფილი კაპიტანის რიო ფერდინანდის კრიტიკა დაიმსახურა "სამი ლომის" დაცვამ. ლუის სუარესის დუბლის შემდეგ გუნდს მხოლოდ თეორიული შანსები ჰქონდა ჯგუფიდან გასვლის, რომელიც გუშინვე მოისპო. რიომ განაცხადა, რომ ფეხბურთელები ძალიან უსუსურად გამოიყურებოდნენ ურუგვაელების შეტევის დროს, განსაკუთრებით კი დაცვის ხაზე.
"კოშმარული თამაში დაცვაში, განსაკუთრებით მეორე გოლის დროს. ეს გოლი მაშინ მოხდა, როდესაც ბურთი მეკარემ შეიყვანა თამაშში. ინგისელებმა სასკოლო დონეზე ითამაშეს. ასეთ რამეს კი მსოფლიო ჩემპიონატზე არ გაპატიებენ."
"ასეთ დროს მე ისე ვაკეთებ, რომ ჩემსა და მეკარეს შორის არ იყოს არც ერთი მოწინააღმდეგე ფეხბურთელი, ამიტომ სულ უკან ვიწევი, ან კიდევ მივდივარ წინ და ვიგებ ბურთებს."
"ყველაზე ცუდი შეგრძნება კი ის არის, რომ ჩვენ ერთი ნაბიჯით უკან დავიხიეთ იტალიასთან მატჩის შემდგომ. ინგლისი ამჯერადაც დამარცხდა." - განაცხადა რიო ფერდინანდმა BBC-თან.