ბელგიის ეროვნული ნაკრების ნახევარმცველს მარუან ფელაინის არ სურს "მანჩესტერ იუნაიტედიდან" წასვლა, იმისდა მიუხედავად, რომ საშინელი სეზონი ჩაატარა. გასული წლის ზაფხულში, აწ უკვე "იუნაიტედის" ყოფილმა მწვრთნელმა დევიდ მოიესმა შეძლო და მარუან ფელაინი გადმოიბირა 27 მილიონ ფუნტად, "ევერტონიდან".

მარუანმა მართლაც ცუდი სეზონი ჩაატარა, მაგრამ ეს ალბათ ტრავმების და იმის ბრალია, რომ დევიდ მოიესმა მას გუნდში შესაფერისი როლი ვერ მოუძებნა.

ახლა კი ფელაინი ოპტიმისტურად არის განწყობილი და სურს, რომ ლუი ვან გაალის მეთაურობის ქვეშ თავი გამოიჩინოს:"ყველამ იცის, რომ ცუდი სეზონი გამომივიდა, მაგრამ მე ისევ ძველი მარუანი ვარ. ერთი წლის წინ "იუნაიტედში" გადმოვედი და ეს ნამდვილად პოზიტიური ფაქტია ჩემს კარიერაში, მაგრამ მე ტრავმაც მივიღე გასულ სეზონში, რამაც ძალიან დამამწუხრა. როგორც მე, ასევე ჩემს გუნდელებსაც არ აეწყოთ ეს სეზონი."

"მაგრამ ახლა ახალი მწვრთნელი გვყავს და დაველოდოთ თუ რა მოხდება მომავალ სეზონში. ამ დროისთვის კი მხოლოდ ეროვნულ ნაკრებზე ვარ კონცენტრირებული. მსოფლიო ჩემპიონატზე ტრანსფერის გამო არ ვთამაშობ. მოდით დავაკვირდეთ თუ რა მოხდება ახალ მწვრთნელთან, მაგრამ მე "იუნაიტედში" თავს კარგად ვგრძნობ."

წყარო:http://fapl.ru