როლანდ დე ბური თვლის, რომ ვერაფერი შეაჩერებს ლუი ვან გაალს "მანჩესტერ იუნაიტედთან" ერთად წარმატების მიღწევაში.
"ლუი ვან გაალს ყოველთვის სურს, რომ ყველაფერში საუკეთესო იყო. ვფიქრობ, ის მალე შეუდგება ინგლისური ენის შესწავლასაც. მან დიდი ხნით იმუშავა ესპანეთში, ჰოლანდიაში და გერმანიაში, ახალ ძალებს ინგლისშიც მოსინჯავს. ლუი ყოველთვის ცდილობს გუნდში უმაღლესი დისციპლინა დაამყაროს და ფეხბურთელებს ადვილად მიახვედროს ის, თუ რა ჭირდება მას თითოეული მათგანისგან." - აცხადებს დე ბური manutd.com-თAნ.
"ლუი ვან გაალი პერფექციონისტია, ის ყველა დეტალს აკვირდება და ითვალისწინებს. მის თვალწინ ყოველთვის არის გეგმა, რომელიც ყველამ ზედმიწევნით უნდა შეასრულოს."
"ვფიქრობ, რომ "იუნაიტედს" მსოფლიო ფეხბურთის ერთ-ერთი საუკეთესო მწვრთნელი უდგას სათავეში. გუნდის შანსი წარმატებაზე, წარმოუდგენლად დიდია. ლუი გუნდს მებრძოლ სულს დაუბრუნებს. ამასთანავე მას კოლოსალური გამოცდილება აქვს."
"ის დიდ ყურადღებას უთმობს ტაქტიკას და მოწინააღმდეგე გუნდის სუსტი მხარეების შესაწავლას. ლუი აშენებს გუნდებს, სადაც ყველა ყველას ენდობა და სიამოვნებით მუშაობენ ერთად. რა თქმა უნდა, ისინიც გამოჩნდებია, ვისაც ლუის მეთოდები არ მოეწონებათ. მაგრამ დამიჯერეთ, როდესაც მთელი გულით იბრძოლებს გუნდის ყველა წევრი, წარმატებას აუცილებლად მიაღწევს. ბევრ მწვრთნელთან მქონია შეხება, მაგრამ ლუი რაღაც განსაკუთრებულია."