2013-14 წლიების სეზონის დასრულების შემდეგ, ძალიან ბევრი მითქმა-მოთქმა იყო იმის შესახებ, რომ ტონი კროოსი და ტომას მიულერი "ბაიერნს" დატოვებდნენ, რადგან ახალი კონტრაქტის პირობები არ აკმაყოფილებდათ. მსოფლიო ჩემპიონატის დაწყების წინ გერმანულმა კლუბმა ახალი კონტრაქტით დასაჩუქრა მიულერი და ფილიპ ლამი, მაგრამ კროოსთან მოლაპარაკებები არ განუახლებიათ.
გვამცნობენ, რომ სანამ კლუბსა და კროოს შორის გაუგებრობა მოხდებოდა, მანამდე გერმანელებმა მას შესთავაზეს ახალი კონტრაქტი, მაგრამ ეს ფეხბურთელის ინტერესებს არ ითვალისწინებდა. საქმეში ჩაერია "ბაიერნის" პრეზიდენტი კარლუ ხოფნერი, რომელმაც განაცხადა:"არსებობს გარკვეული ფინანსური საზღვარი, რომლის გადაბიჯებასაც არ ვაპირებთ. სწორედ ასეთი რამ მოხდა ბალაკის დროსაც. ჩვენ უბრალოდ შევწყვიტეთ მოლაპარაკებები და უფლება მივეცით "ჩელსიში" წასულიყო."
გერმანიის ეროვნული ნაკრების პრეს-კონფერენციაზე, რომელიც ოთხშაბათს გაიმართა, კროოსმა განაცხადა, რომ მის კონტრაქტთან დაკავშირებით არაფერი შეცვლილა:"ამ საკითხთან დაკავშირებით არანაირი სიახლე არ მაქვს. ცვლილებები არ მომხდარა, ხოლო თუ რამე იქნება თქვენ ამას აუცილებლად გაიგებთ. ახალ კი ფილიპ ლამს და ტომას მიულერს ვულოცავ ახალ კონტრაქტს."