ხუან მატა თვლის, რომ ესპანეთის ნაკრებმა არაფერი არ უნდა შეცვალოს სათამაშო სტილიდან, მიუხედავად იმისა, რომ ჰოლანდიის ნაკრებმა მოქმედი მსოფლიო ჩემპიონები 5-1 გაანადგურა.
"თამაშის ჩვენეულმა სტილმა ბევრი გამარჯვება მოგვიტანა და არ ღირს მისი შეცვლა. ჩვენ ბურთის კონტროლს მივეჩვიეთ, რაც თავისტავად გულისხმობს თამაშის კონტროლს, ასე რომ ვერ ვხედავ მიზეზს, თუ რატომ უნდა ვითამაშოთ სხვაგვარად. ხალხს არ ვურჩევ ჩვენ გუნდზე ხაზის გადასმას. ჰოლანდიასთან განცდილი მარცხი დიდი დარტყმა იყო ჩვენთვის, მაგრამ არ ვაპირებთ დანებებას და შევეცდებით იმ თამაშს დავუბრუნდეთ, რომელსაც მივეჩვიეთ."
"ამაყი ვარ, რომ ესპანელ ფეხბურთელთა იმ კატეგორიას მივეკუთვნები, რომელმაც ყველაფერი მოიგო საერთაშორისო არენაზე. ჩვენ ერთად ვიყავით წარმატების ხანაში და ერთად ვიქნებით რთულ პერიოდშიც. ჩვენი გუნდის ფუნდამენტურ მნიშვნელობას ოჯახური ურთიერთობა წარმოადგენს, რომელიც კოლექტივში სუფევს. ეს ძალიან მნიშვნელოვანი ასპექტია, რომელიც წარმატებების მიღწევაში დაგვეხმარება"