მსოფლიო ჩემპიონატის მეორე ტურის შეხვედრაში, რომელსაც ინგლისის ნაკრები ურუგვაის ნაკრების წინააღმდეგ გამართავს, უეინ რუნი 10 ნომრიანის პოზიციაზე ითამაშებს.

ლომების უკანასკნელ სამ შეხვედრაში ამხანაგურების ჩათვლით რუნიმ შეხვედრა ვინგერის პოზიციაზე დაიწყო. რუნის თამაში დიდ კრიტიკას იწვევდა, მიუხედავად იმისა, რომ ეკვადორთან გოლით, ხოლო იტალიასთან საგოლე გადაცემით გამოიჩინა თავი.

The Telegraph - ის ცნობით ინგლისელთა მთავარი მწვრთნელი, როი ჰოჯსონი ნამდვილად შეწუხებულია რუნის ქმედითუნარიანობის დაბალი დონით და სურს მისი ცენტრში გადაწევა. "მანჩესტერ იუნაიტედის" ვარსკვლავი ასეთ შანსს ურუგვაისთან შეხვედრაში მიიღებს.

ორშაბათს გამართულ ვარჯიშზე ჰოჯსონმა რუნი სპეციალურად დააყენა პლეიმეიქერის პოზიციაზე, ან ასე ვთქვათ სტარიჯის პარტნიორად. მოსალოდნელია, რომ თავდამსხმელთა სწორედ ასეთი შერწყმა იქნება ურუგვაისთან შეხვედრაში.

სხვათაშორის, ფრანკ ლემპარდი უეინ რუნის გამოექომაგა და განაცხადა, რომ პუბლიკა ზედმეტად მიეჯაჭვა რუნის.

"რაღაც მომენტში ჩვენ ძალიან ვეჭიდებით ერთ მოთამაშეს, რომელიც ჩვენი ნაკრების საუკეთესო ფეხბურთელია, საუკეთესო ბომბარდირი იყო შესარჩევში და ინგლისის ნაკრების რეკორდი დაამყარა შედეგიანობის მხრივ."

"უეინი - გამორჩეული ფეხბურთელია და ეს ყველამ ვიცით. თუ კი გვსურს კარგად წარმოვაცინოთ თავი მსოფლიო ჩემპიონატზე, საჭიროა რუნის კალიბრის ფეხბურთელები წინა პლანზე გადავიდნენ, იქ სადაც მათი ადგილია." - აცხადებს ლემპარდი.

fapl.ru