ბელგიის ნაკრებმა მუნდიალზე სადებიუტო შეხვედრაში ალჟირის ნაკრების დამარცხება მოახერხა. მატჩში მონაწილეობა მარუან ფელაინიმაც მიიღო, რომელიც 65–ე წუთზე გამოჩნდა მოედანზე. ზუსტად 5 წუთში ბელგიელმა თავური დარტყმით გოლის გატანა მოახერხა და ანგარიში 1–1 გახადა. 10 წუთში მერტენსმა საბოლოო ანგარიში დააფიქსირა - 2:1. ბელგიის ნაკრებმა სადებიუტო შეხვედრაში იმარჯვა და 3 ქულა მოიპოვა.
აღსანიშნავია ის ფაქტიც, რომ დღევანდელ შეხვედრაში მონაწილეობა არ მიუღია ადნან იანუზაის, მას ჯერ–ჯერობით თავის გამოჩენის შანსი არ მიეცა. შემდეგ მატჩს ბელგიის ნაკრები 22 ივნისს, რუსეთის ნაკრების წინააღმდეგ გამართავს.