The Telegraph - ის ცნობით, "არსენალის" ცენტრალურმა მცველმა, ტომას ვერმაელენმა "იუნაიტედთან" პირადი კონტრაქტის პირობები შეათანხმა.
"მეთოფეებთან" მოქმედი კონტრაქტით ვერმაელენს მხოლოდ ერთი წელი რჩება. გამომდინარე იქიდან, რომ ბელგიელი კონკურენციაში მარცხდება, 28 წლის ფეხბურთელი მზადაა "ემირეიტსი" დატოვოს.
"ოლდ ტრაფორდზე" ვერმაელენი გაზრდილ თანხას მიიღებს, რომელიც არსებული 70 ათასი ფუნტიდან 100 ათას ფუნტამდე გაიზრდება. "იუნაიეტდის" ახალი მწვრთნელი, ლუი ვან გაალი თვლის, რომ მისი ხელმძღვანელობის ქვეშ ტომასი თავის ფორმას დაიბრუნებს.
დავამატოთ ისიც, რომ ამ ტრანსფერის მთავარი მოქმედი პირი შესაძლოა იყოს ვერმაელენის აგენტი, რომელიც ასევე "მანჩესტერ იუნაიტედის" თავდამსხმელის, რობინ ვან პერსის ინტერესებსაც წარმოადგენს.