ლონდონის "ჩელსის" თავკაცი, ჟოზე მოურინიო თვლის, რომ უიენ რუნი ინგლისის ნაკრებში მისთვის შეუფერებელ პოზიციაზე თამაშობს.

მას შემდეგ რაც ინგლისის ნაკრები იტალიის ნაკრების წინააღმდეგ მატჩში 2-1 დამარცხადა, რუნი კიდევ მოხვდა კრიტიკის ქარ-ცეცხლში, მიუხედავად იმისა, რომ დანიელ სტარიჯს საგოლე გადაცემა სწორედ მან მისცა. მოურინიოს აზრით ყველაფერში რუნის ახალი პოზიციაა დამნაშავე.

"არ ვფიქრობ, რომ ეს რუნისთვის საუკეთესო პოზიციაა, მაგრამ მე ვფიქრობ, რომ მოთამაშეებმა ბევრი რამ უნდა შესწიროს საკუთარ გუნდს და რუნი არ იყო ცუდი."

"ჩემი აზრით ნორმალურია, რომ მარცხის შემდეგ მარცხის მიზეზს ეძებ, მაგრამ ინგლისის ნაკრების წაგების მიზეზი დიდებული იტალია გახლავთ."

"ნათელია, რომ როი (ჰოჯსონი) რუნის, სტერლინგის, სტარიჯისა და ველბეკის ერთად გამოყენებას ცდილობდა. ამისათვის კი აუცილებელი იყო, რომ ვიღაცას ფლანგზე ეთამაშა, რაც რუნის ხვდა წილად."

"მან საგოლე პასი გააკეთა და აქტიურ მონაწილეობას იღებდა თამაშში. თუმცა ის თავის აქტიურობას გააუმჯობესებს, თუ ცენტრალურ პოზიციასთან ახლოს ითამაშებს, ის ხომ ჭეშმარიტი ბომბარდირია" - აცხადებს მოურინიო Eurosport - თან ინტერვიუში.

fapl.ru