რიო ფერდინანდი თვლის, რომ ჰოლანდიის ნაკრების კაპიტანი, რობინ ვან პერსი ლუი ვან გაალის გუნდის მნიშვნელოვან ფიგურას წარმოადგენს.
"ცოტა ხნის წინ ვამბობდი, რომ ამ ტურნირს სავარაუდოდ ესპანეთის ნაკრები ვერ მოიგებდა, რადგან ისინი თაობათა ცვლას განიცდიან. მაგრამ მეც კი ვერ წარმოვიდგენდი, რომ მსოფლიო ჩემპიონატი მათთვის ასე ცუდად დაიწყებოდა. ეს ნამდვილი სილის გაწნა იყო, შურისძიება ოთხი წლის წინ ფინალში დამარცხებისთვის. განადგურებას კი საფუძველი რობინ ვან პერსიმ ჩაუყარა, რომელმაც სასიცოცხლო მნიშვნელობის გოლი გაიტანა, რომელიც ანგარიშის გამათანაბრებელი იყო."
"შესაძლოა გასულ სეზონში ის დიდ მხარდაჭერას ვერ გრძნობდა დევიდ მოიესისგან. სავარაუდოდ მწვრთნელმა მთელი თავისი ყურადღება უიენ რუნიზე გადაიტანა, რამაც თავდაჯერებულობა დაუკარგა რობინ ვან პერსის. ფორვარდები - ეს საკმაოდ მგრძნობიარე ნატურები არიან. ხანდახან მათ მწვრთნელისგან ბიძგის მიცემა სჭირდება სიტყვებით: "შესანიშნავი ნამუშევარია ბიჭო". დარწმუნებული ვარ, რომ ესპანეთთან შეხვედრის შემდეგ ვან გაალმა საჭირო სიტყვები მოძებნა, რადგანაც შესვენების შემდეგ რობინს ანთებული თვალები ჰქონდა."
"რენე მალესტინს არაერთხელ უთქვამს, რომ პობინ ვან პერსის მარცხენა ფეხი როჯერ ფედერერის ჩოგანის მსგავსია. დამიჯერეთ, მე რობინთან ერთად ერთ გუნდში მიმუშავია და შემიძლია გითხრათ, რომ ის მსოფლიო ფეხბურთის ერთ-ერთი ყველაზე ტექნიკური ფეხბურთელია."