იტალიასთან მარცხის შემდეგ, ინგლისმა ყველა შემთხევაში უნდა სძლიოს ურუგვაის ნაკრებს, რათა მუნდიალზე ასპარეზი განაგრძოს. რუნი აცხადებს, რომ ამ მარცხის მიუხედავად, მისი თანაგუნდელები მაინც მაღალ ნოტაზე რჩებიან და მზად არიან ურუგვაის ნაკრები ბრძოლიდან გამოთიშონ.
"ჩვენ პოზოტიურ განწყობაზე უნდა დავრჩეთ" აცხადებს რუნი. "ვიცით რომ მათ კარგი ინდვიდიუალური ფეხბურთელები ჰყავთ, რომელთა ხარჯზეც ურუგვაელებს ფონს გასვლა ძალუძთ. ყველაფერს გავაკეთებთ რომ ამ მატჩში სამი ქულა მოვიპოვოთ."
"ასევე ვიცით, რომ ეს "სამკვდრო-სასიცოცხლო" ბრძოლა იქნება და დამარცხებული ნაკრები შინ გაემგზავრება. ასე რომ ჩვენი ვალია პოზოტიურობის შენარჩუნება და მოედანზე მაქსიმუმის ჩვენება."
"იტალიასთან მატჩში კარგად გამოვიყურებოდით, მაგრამ მეორე გატანილმა გოლმა გაგვტეხა და აღმოფხვრა ვეღარ მოვახერხეთ. მაგრამ ამ ყველაფრის დავიწყება ადვილად შესაძლებელია."
მოგეხსენებათ, რომ ჰოჯსონის "ინიციატივით" ნაკრებში რუნის ადგილი შეიცვალა და ახლა ის მარცხენა ვინგერად გვევლინება. როდიესაც უეინს კითხეს, იყო თუ არა ახალი როლი მისთვის საუკეთესო ვარიანტი, მან თქვა: "არ ვიცი, მე თამაში მსიამოვნებს."
"ჩვენ თამაში წავაგეთ, მიუხედავად ამისა ამ მატჩში მეც ვიყავი ჩართული, გავაკეთე საგოლე გადაცემა და ვქმნიდი სახიფათო მომენტებს"
რუნიმ ასევე მკაცრი შეფასების პასუხი გასცა რეპორტიორს, რომელმაც მას ჰკითხა, აქვს თუ არა "შრეკს" ძირითად შემადგენლობაში გარანტირებული ადგილი. "მე ეს არასოდეს მიგვრძვნია. არ ვიცი რატომ მეკითხებით ამას. რატომ უნდა ვფიქრობდე, რომ ჩემი ადგილი გუნდში გარანტირებულია ?"
"მე ყველაფერს ვაკეთებ იმისთვის რომ შემადგენლობაში მოვხვდე. არასოდეს მითქვამს რო მე ადგილი გარანტირებული მაქვს. არც იმას მპირდება ვინმე რომ აუცილებლად ვითამაშებ. მე თავდაუზოგავად ვვარჯიშობ და მსურს რომ ვითამაშო." დაასრულა ინგლისის ნაკრებიც ვიცე კაპიტანმა.