ბრაზილიაში მყოფ დე ხეას "იუნაიტედის" ახალ მწვრთნელზე ესაუბრნენ. დევიდი ვან გაალის მთავარი მწვრთნელის პოსტზე დანიშვნით მოხარულია და თვლის, რომ ის გუნდს ახალი იდეებით მოამარაგებს. 23 წლის დე ხეა ესპანეთის 23 კაციან განაცხადშია მოხვედრილი. მუნდიალზე მისი თამაში ნაკლებად სავარაუდოა, მაგრამ "იუნაიტედში" ის ალბათ, მომდევნო სეზონიდანაც ნომერ პირველ მეკარედ დარჩება. "მას, როგორც მწვრთნელს, ყველაფერი აქვს მოგებული. დარწმუნებული ვარ, ის "მანჩესტერ იუნაიტედს" ძალიან დაეხმარება. ლუისი ინოვაციური იდეებით მოგვამარაგებს და ვფიქრობ, გუნდს კარგად მოარგებს თავის სათამაშო სტილს. ინგლისი მშვენიერი ადგილია ფეხბურთის სათამაშოდ. ფანები მოთამაშეებს პატივს სცემენ, ეს საუცხოოა. ასე იქნება ახალი მწვრთნელის შემთხვევაშიც" ესპანეთი დღეს ვან პერსის გუნდის წინააღმდეგ ითამაშებს. თუმცა, ნაკლებად სავარაუდოა, რომ დე ხეა ჰოლანდიასთან მატჩში მოედანზე გამოვიდეს. "რობინს მესიჯი გავუგზავნე. ის შესანიშნავი ფეხბურთელია და მოგვიწევს მჭიდროდ ვეთამაშოთ. იმედი მაქვს, საფრთხეს არ შეგვიქმნის" - დაასრულა დე ხეამ.
წყარო: skysports.com
ახალი ამბები, ინტერვიუები
4 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.