ესპანურმა პრესამ ახალი სული შთაბერა კროსის "იუნაიტედში" გადასვლაზე მიმდინარე განხილვებს. როგორც El Confidencial იტყობინება, ამ ტრანსფერში თავად ლუის ვან გაალი ჩაერთო, რომელმაც პირადად დაურეკა გერმანელ ნახევარმცველს და ეცადა მის დარწმუნებას.

ამ ინფორმაციის გავრცელებასთან ერთად მეორე ესპანურმა გამოცემამ Sport-მა, გამოაცხადა, რომ ინგლისური გრანდი ჯერ კიდევ დაინტერესებულია გერმანელი ნახევარმცველით და ისინი ისევ აქტიურად მუშაობენ მის ტრანსფერზე.

იგივე გამოცემა ეტყობინება, რომ თუ კროსი მადრიდის "რეალს" აირჩევს, "მანჩესტერ იუნაიტედი" შეეცდება ლუკა მოდრიჩის, სამი ხედირას ან ასიერ ილარამენდის შეძენას, რომელთაც გერმანელი ფეხბურთელის მისვლის შემთხვევაში შეუმცირდებათ სათამაშო დრო.

წყარო: ManUtd.ru