უეინ რუნის ხალხის და ჟურნალისტების კრიტიკა არ აინტერესებს. უეინის თქმით, ის მხოლოდ მწვრთნელების რჩევებს უსმენს. ინგლისის ნაკრების თავდამსხმელმა გუშინ ეკვადორთან ჩაატარა მატჩი, სადაც ერთი გოლი მიითვალა. მიუხედავად ამისა, რუნის გუშინდელმა თამაშმა გულშემატკივარი არ დააკმაყოფილა. "ამით დაინტერესებული არ ვარ. ყველას თავისი აზრი აქვს, მე ვუსმენ სამწვთნელო შტაბში ჩემს გარშემო მყოფ ადამიანებს. არ ვუსმენ გარეთ მყოფ ხალხს, არც ჟურნალისტებს. მათ შეუძლიათ რაც უნდათ, ის თქვან. მსიამოვნებს ჩემი ქვეყნისთვის თამაში - არ აქვს მნიშვნელობა მარცხნივ ვითამაშებ, მარჯვნივ, თავდასხმაში თუ ნახევარდაცვაში. ყოველთვის ვამაყობ ინგლისის ნაკრებში თამაშით და ეს არასოდეს შეიცვლება. მწვრთნელის საქმეა, სად დამაყენებს, მე ყველგან თამაშით მოხარული ვარ." ეკვადორი-ინგლისის მატჩში ვალენსიასა და სტერლინგს ინციდენტი მოხდა. შეხვედრის დასრულებამდე 12 წუთით ადრე სტერლინგმა სახიფათოდ სცადა ანტონიოსთვის ბურთის ართმევა, რის გამოც ანტონიო მას წაეჩხუბა. ინციდენტი ორივე მათგანისთვის წითელი ბარათების ჩვენებით დასრულდა. "ამ ინციდენტის გამო ძალიან ვწუხვარ. გუნდს და მწვრთნელს მატჩის შემდეგ ჩემი გაძევების გამო მოვუბოდიშე. როცა სტერლინგმა მომცელა, სეგუნდო კასტილო გამახსენდა (მან ახლახანს მიიღო ტრავმა მექსიკასთან მატჩში). მას ცოტა დააკლდა მსოფლიო ჩემპიონატის გამოტოვებამდე. მეც ამის შემეშინდა. საბედნიეროდ, კარგად ვარ." - განაცხადა ვალენსიამ.
წყარო: manutd.com
ინტერვიუები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.