ჰოლანდიის ნაკრებმა ოთხშაბათს უელსი ანგარიშით 2:0 დაამარცხა, რომელშიც მუხლის ტრავმის გამო ვან პერსიმ მეორე ტაიმში ვეღარ ითამაშა. თავად ჰოლანდიელი ამბობს, რომ ტრავმა უმნიშვნელოა და მსოფლიო ჩემპიონატს მომზადებული შეხვდება.
"ამას ტრავმას არც დავარქმევდი. მცირე ტკივილი მქონდა და გადავწყვიტე, არ გამერისკა და ცვლილება მომეთხოვა" - აცხადებს ვან პერსი.
"იუნაიტედის" ახალი მენეჯერი ლუის ვან გაალიც ადასტურებს, რომ ვან პერსი 13 ივნისს გამოჯანმრთელებული შეხვდება.
"ვიმედოვნებ, ასე იქნება. მცირე ტრავმა ჰქონდა და უკეთესი იყო მეორე ტაიმი არ ეთამაშა. მან სწორი გადაწყვეტილება მიიღო. ეს ხომ უმნიშვნელო მატჩი იყო, თამაშის გაგრძელება რისკად არ ღირდა." - განაცხადა ვან გაალმა.