"საუთჰემპტონი" "მანჩესტერ იუნაიტედს" სთავაზობს ლუკ შოუს ნაცვლად ხავიერ ერნანდესის დათმობას.
"ოლდ ტრაფორდის" ბინადრები თავიანთ ინტერესს არ მალავენ 18 წლის მცველის მიმართ და წინა კვირას მოლაპარაკებებიც განაახლეს. თავის მხრივ კი "საუთჰემპტონი" არ აპირებს შოუს 30 მლნ. ფუნტზე ნაკლებ თანხად დათმობას.
ამავდროულად "წმინდანებმა" ყურადღება მიაქციეს ხავიერ ერნანდესსაც, რომლის მომავალიც ჯერ კიდევ გაურკვეველია. Daily Mirror იტყობინება, რომ "სენტ მერიდან" უკვე მიმართეს "წითლებს" ფეხბურთელთა გაცვლის თაობაზე.
დავამატებთ, რომ მექსიკის ნაკრების ფორვარდით მილანის "ინტერი" და ესპანური "ვალენსიაც" ინტერესდება.