ინგლისის ნაკრების ყოფილმა კაპიტანმა და "მანჩესტერ იუნაიტედის" ყოფილმა ფეხბურთელმა განაცხადა, რომ იგი შესაძლოა მსოფლიოს პირველი მოთამაშე-მფლობელი ფეხბურთელი გახდეს.

გასული წლის მაისში დევიდ ბექჰემმა ბუცები ლურსმანზე დაკიდა - ბექჰემის ბრწყინვალე 20 წლიანი კარიერა დასრულდა.

თუმცა დევიდმა გადაწყვიტა, რომ ფეხბურთს არ განშორებოდა და მთელი ძალები მაიამიში კლუბის შექმნისკენ მიმართა. 39 წლის დევიდი ნოლიდან ქმნის ახალ საფეხბურთო კლუბს და გარდა ამისა იგი საოცარი სანახაობის სტადიონს აშენებს.

ბექჰემის გუნდი, რომლის სახელიც დევიდმა ჯერ კიდევ ვერ მოიფიქრა მომავალში მლს-ში მოხვდება, რისი უფლებაც ინგლისელმა ჯერ კიდევ "ლოს-ანჟელეს გელექსში" თამაშისას მიიღო.

ბექჰემის სიტყვებით იგი კუთვნილი კლუბის რიგებში ფეხბურთელის კარიერის გაგრძელებაზე ფიქრობს.

"მოთამაშე-მფლობელი ჯერ არასდროს არსებულა, მაგრამ იქნებ ღირდა მცდელობა?"

"ახლა საკალათბურთო მატჩებზე დავდივარ და როცა ათლეტებს ვხედავ, რომლებიც შესანიშნავ ფორმაში იმყოფებიან, სურვილი მიჩნდება თამაშს დავუბრუნდე."

"საკუთარ თავს ვეკითხები: "შემიძლია ისევ თამაში? შევძლებ დავბრუნდე? შევძლებ კარიერა განვაახლო და ისევ ვითამაშო? - განუცხადა ბექჰემმა BBC - ს.

fapl.ru