ცენტრალურმა მცველმა, კურტ ზუმამ გამამ განაცხადა, რომ სანამ "ჩელსისთან" გააფორმებდა კონტრაქტს, მან "მანჩესტერ იუნაიტედს" განუცხადა უარი.
შეგახსენებთ, რომ იანვარში "სენტ-ეტიენის" ყოფილმა კუთვნილებამ "ლურჯებთან" 5 წლიან კონტრაქტს მოაწერა ხელი, სეზონის მეორე ნაწილი კი ფრანგულ კლუბში იჯარის წესით გაატარა.
19 წლის მცველის თქმით, "სტემფორდ ბრიჯზე" გადასვლის მთავარი მიზეზი "ჩელსის" მთავარი მწვრთნელი, ჟოზე მოურინიო გახლდათ. კურტის გადათქმევინება ვერ მოახერხა რამდენიმე კლუბმა, რომელთაც შორის "მანჩესტერ იუნაიტედიც" გახლდათ.
"მე ნამდვილად მინდოდა "ჩელსიში" გადასვლა. მქონდა თუ არა სხვა შემოთავაზებები? დიახ, "ინტერისგან", "მონაკოსა" და "მანჩესტერ იუნაიტედისგან".
"როცა მოურინიომ დამირეკა მეტყველების უნარი დავკარგე. მან მითხრა, რომ ჩემგან იმის შექმნა სურს, რაც "რეალში" რაფაელ ვარანისგან შექმნა. ჟოზეს წყალობით იგი საფრანგეთის ერთ-ერთ საუკეთესო მცველად იქცა."
"ვიცი, რომ სარისკო არჩევანი გავაკეთე, მაგრამ მინდოდა ამ მატარებელს გავყოლოდი. არ ვარ დარწმუნებული, რომ ასეთი შესაძლებლობა ორჯერ მომეცემოდა. "ჩელსიში" ახალი დონის მიღწევა მსურს." - ციტირებს ზუმას სიტყვებს Sky Sports.