"არსენალის" მსგავსად ფაბრეგასზე პრეტენზიას აღარ "მანჩესტერ სიტი" აცხადებს.
რამდენიმე დღის წინ ცნობილი გახდა, რომ "ბარსელონა" მზადაა პრემიერ-ლიგის გუნდებს 30 მლნ. ფუნტად დაუთმოს ესპანელი ნახევარმცველი.
მაშინვე გახდა ცნობილი, რომ "არსენალს" ფაბრეგასი არ სჭირებოდა. მისით აღარ ინტერესდებოდა "მანჩესტერ იუნაიტედიც", თუმცა ბოლო დროს გავრცელებული ჭორები სრულიად ბუნდოვანს ხდის ყოველივეს. ჭორების თანახმად არც "მანჩესტერ სიტი" ყოფილა დაინტერესებული ფაბრეგასის შესყიდვით, რომელშიც თითქოს "ქალაქელები" იაია ტურეს შემცვლელს ხედავდნენ.
თუმცა Sky Sports - ის ცნობით "სიტი" არ აპირებს 27 წლის ესპანელის ყიდვას და მთავარ პრეტენდენტად მხოლოდ "ჩელსი" რჩება. ესპანური გამოცემა El Mundo Deportivo კი საერთოდ წერს, რომ ჭორებს ბოლო მოეღება და ერთადერთი ადგილი სადაც ფაბრეგასი გადავა, არა "ემირეიტსი", "ეტიჰადი" ან "ოლდ ტრაფორდი", არამედ "სტემფორდ ბრიჯი" იქნება.