"მანჩესტერ იუნაიტედის" ყოფილი მცველი, გარი პალისტერი თვლის, რომ "იუნაიტედს" უკვე ჰყავს ნემანია ვიდიჩისა და რიო ფერდინანდის შემცვლელი.
"თუ კი ფილ ჯონსისა და კრის სმოლინგის პირველ მატჩებს გადახედავთ, დაინახავთ, რომ ისინი შესანიშნავად გამოიყურებოდნენ დაცვის ცენტრში. შემდეგ ისინი სხვადასხვა პოზიციაზე დააყენეს და დაცვის ცენტრში თამაშის გამოცდილება პრაქტიკულად აღარ ჰქონდათ. ვფიქრობ მათთვის ჩვეულ პოზიციაზე რომ უფრო ხშირად დააყენონ, ისინი თავს წარმოაჩენენ."
"სიმართლე გითხრათ, როცა ამ ბიჭებს ვაკვირდები, რომლებიც თავისთვის უჩვეულო პოზიციაზე თამაშობენ ძალიან ვწუხვარ მათ გამო. ვფიქრობ ფილსა და კრისს ყველაფერი აქვთ, რათა ტოპ-კლასის ფეხბურთელები გახდნენ."
"არ უნდა დაგვავიწყდეს ის ფაქტიც, რომ "იუნაიტედს" ჯონი ევანსი ჰყავს. სერ ალექსი ყოველთვის ენდობოდა მას და ვერ ვიხსენებ, რომ მისთვის ეღალატოს. თუმცა მიუხედავად მცველების ასეთი ტრიოს ყოლისა ვთვლი, რომ ლუი ვან გაალს ამ ზონის გაძლიერება სჭირდება." - აცხადებს პალისტერი.