"მანჩესტერ იუნაიტედის" მექსიკელი თავდამსხმელი, ხავიერ ჰერნანდესის მომავალი საკმაოდ ბუნდოვანია. მან "ოლდ ტრაფორდზე" ვერა და ვერ დაიმკვიდრა ადგილი ძირითად შემადგენლობაში, რის გამოც დიდი ალბათობით იგი კლუბს დატოვებს.
შესაძლოა ხავიერის მომდევნო კლუბი მილანის "ინტერი" გახდეს, რომელიც მის გადაბირებას 10 მლნ. ფუნტის სანაცვლოდ შეეცდება.
მექსიკელ ფორვარდს სურს რაც შეიძლება მეტი სათამაშო დრო მიიღოს, რაც ახალი ფორმაციის "ინტერში" ნამდვილად არ მოაკლდება. გარდა ჰერნანდესისა, იტალიური კლუბი ცდილობს "ჩელსის" ესპანელი თავდამსხმელი, ფერნანდო ტორესიც გადაიბიროს.
თუმცა "ინტერი" არ გახლავთ ერთადერთი კლუბი, რომელიც ინგლისური გრანდების შემტევებით ინტერესდება. ტორესისა და ჩიჩარიტოს საკუთარ რიგებში ხილვა ესპანურ "ვალენსიასაც" სურს.