"მანჩესტერ იუნაიტედის" მეკარე, როი კეროლი იმედოვნებს, რომ ზაფხულში ახალ კლუბს იპოვის პრემიერ-ლიგაში.
კეროლმა ინგლისი ხუთი წლის დატოვა და ამ დროის განმავლობაში დანიაში, კვიპროსსა და საბერძნეთში ითამაშა. ახლა კი როი "ოლიმპიაკოსთან" თავისი კონტრაქტის ამოწურვას ელოდება, რათა ოჯახში დაბრუნდეს.
36 წლის როის იმედი აქვს, რომ თავის ახალ კლუბში რეგულარულ სათამაშო დროს მიიღებს, რათა ჩრდილოეთ ირლანდიის ნაკრების ძირითადი მეკარის ადგილი სხვას არ დაუთმოს.
"იმედი მაქვს ვინმე მომცემს შანსს. რამდენიმე წარუმატებელი წელი კი გავატარე ინგლისში, მაგრამ დაბრუნება და მაღალ დონეზე თამაში მსურს."
"დიდებული ჩრდილოეთ ირლანდიის ნაკრებში კიდევ ერთხელ თამაში, მითუმეტეს რომ გარკვეული პერიოდი კლუბში არ მითამაშია. მაგრამ "ოლიმპიაკოსთან" ყველაფერი დასრულებულია და ახლა ახალ კლუბს ვეძებ. იმედი მაქვს ერთი წლის განმავლობაში ან დაახლოებით ასეთი პერიოდით ვინმე მომცემს შანსს." - ციტირებს კეროლის სიტყვებს BT Sport - ი.
პრემიერ-ლიგაში ყოფნისას კეროლმა 4 წელი გაატარა "მანჩესტერ იუნაიტედში", სადაც იგი კონკურენციას ვერ უწევდა ფაბიენ ბარტეზსა და ტიმ ჰოვარდს. თუმცა მას ნათამაშევი აქვს "ჰალის", "უიგანის", "ვესთ ჰემისა" და "დერბის" რიგებშიც.