ინგლისის ნაკრების თავკაცი, როი ჰოჯსონი თვლის, რომ პუბლიკა ზედმეტად შეპყრობილია უეინ რუნის სანაკრებო თამაშით.
მსოფლიო ჩემპიონატის წინ 28 წლის უეინ რუნიზე უდიდესი იმედები მყარდება, როგორც ჰოჯსონის ძირითად ვარკსვლავზე.
თუმცა როგორც კი არასანახაობრივი შეხვედრა ჩაატარა რუნიმ პერუს ნაკრების წინააღმდეგ - რუნი არ იყო ყველაზე ცუდი, მაგრამ შეუმჩნებვი იყო - ხალხმა მაშინვე დაიწყო კითხვების დასმა იმის თაობაზე, არის თუ არა რუნი ძირითადში დასაყენებელი ფეხბურთელი და ხომ არაა საჭირო მის მაგივრად სხვა ვარიანტის გამოცდა.
ჰოჯსონი კი თვლის, რომ არასწორია ასეთი სახის აქცენტის გაკეთება რუნის მისამართით. მწვრთნელს მხოლოდ ის აღელვებს, რომ რუნიმ კარგად ითამაშოს.
"ვფიქრობ ცოტათი სამწუხაროა, რომ ქვეყანა ასე შეპყრობილია რუნით. უეინი თავად უწესებს უმაღლეს სტანდარტებს საკუთარ თავს, რათა ნაკრების ძალიან, ძალიან მნიშვნელოვანი წევრი იყოს. ამისმითვის იგი მთელი ძალებით იბრძვის."
"კომბინაციების შესახებ საუბრები არ მაინტერესებს. მე მხოლოდ მინდა, რომ უეინ რუნიმ კარგად ითამაშოს, რომ დანიელ სტარიჯმა კარგად ითამაშოს, გაიტანოს და შექმნას გოლები. სწორედ ამის გამო ვირჯებით ასე ბეჯითად და მათ როგორც გუნდი ისე ვეხმარებით."
"თუმცა პირადად ჩვენ ასეთი შეპყრობილები არ ვართ რუნითა თუ დანიელ სტარიჯით. ნათელია, რომ რუნისა და სტარიჯს მოსწონთ თავდამსხმელების სიაში პირველ ადგილზე ყოფნა და ისინი ყველაფერს გააკეთებენ წარმატების მისაღწევად" - აცხადებს ჰოჯსონი The Telegraph - თან ინტერვიუში.