"მანჩესტერ იუნაიტედის" ინგლისელმა ნახევარმცველმა, ტომ ქლევერლიმ თანამემულე ფილ ჯონსის მიმართ საქებარი სიტყვები არ დაიშურა.

"ფილი 2010 წელს გავიცანი, როცა ორივე ჩვენგანმა 21 წლამდელთა ნაკრებისგან გამოძახება მივიღეთ. უკვე მაშინ შეიძლებოდა იმის შემჩნევა, რომ ამ ბიჭს უდიდესი ნიჭი ჰქონდა. ბურთს მშვიდად აკონტორლებდა და თავისი გაბარიტებითა და ძალით ყველას სჯობნიდა. ფილი და კრის სმოლინგი ცენტრალურ მცველთა დუეტს წარმოადგენდნენ და შესანიშნავი ურთიერთგაგება და საიმედოობა ახასიათებდათ. ეს ჩვენთვის კარგი მომავლის საწინდარია"

"ჩემთვის ნათელია, რომ "ოლდ ტრაფორდზე" მოსვლის შემდეგ ფილი საგრძნობლად გაიზარდა პროფესიული თვასაზრისით. ის ჯერ კიდევ ახალგაზრდაა და ბევრი რამის სწავლა შეუძლია, მაგრამ უკვე ჩანს თუ რის ხარჯზე გახდება იგი ტოპ-კლასის ფეხბურთელი. მისი უნივერსალურობა - ნამდვილი აღმოჩენაა "მანჩესტერ იუნაიტედისთვის".

"მისი პროფესიული ზრდის მიზეზი სამუშაოსადმი მიდგომა გახლავთ. ყოველდღე 100 %-ით იხარჯება. ეს სწორი მიდგომაა, რაც აუცილებლად მოიტანს თავის შედეგებს მომავალში."

"მოედნის ფარგლებს გარეთ ფილი შესანიშნავი ადამიანია - მშვიდი და გაწონასწორებული. მას ზედმეტსახელად "კუაგმირი" შევარქვით, რომელიც მულტფილმ "გრიფინების" პერსონაჟი გახლავთ. ბიჭებიდან ვიღაცამ შეამჩნია, რომ ფილის ნიკაპის ხაზები კუაგმირისი ხაზებს ჰგავდა. და რა გგონიათ? ამის შესახებ მაშინვე უთხრეს. ფილს არ სწყენია და ჩვენთან ერთად იცინოდა. თუმცა არამგონია გაუხარდეს რომ ეს ყველაფერი მოგიყევით"

redevils.ru