მოთხოვნადი მცველი მარკინიოსი სულ რაღაც 20 წლის არის და მისი მომავალი ამჟამად 2 კლუბს უკავშირდება "ბარსელონას" და "მანჩესტერ იუნაიტედს", თავისთავად "პსჟ"-საც.
ორივე ამ ევროპულმა კლუბმა დიდი დანაკარგი განიცადა სეზონის ბოლოს და მის შევსებას როგორც "ბარსელონა" ისე "იუნაიტედი" ცდილობს, შეგახსენებთ რომ კატალონიური კლუბი კარლეს პუიოლს გამოემშვიდობა, ხოლო მანჩესტერული კლუბი ნემანია ვიდიჩს და რიო ფერდინანდს.
ამიტომაც, მარკინიოსი სწორედ ის ახალგაზრდა მცველია, რომელიც დიდი ხნით დაამშვენებდა კლუბის დაცვას.
20 წლის ახალგაზრდა ფეხბურთელს თითქმის გადაწყვეტილი აქვს, რომ ამ ზაფხულს კლუბს დატოვებს, თუმცა ამ საკითხზე ის მაინც არ საუბრობს ღიად.
მარკინიოსი ბრაზილიელია, თუმცა ის მთავარ ნაკრებში ვერ მოხვდა დიდი კონკურენციის გამო, ამიტომაც მას უწევს ახალგაზრდულ ტურნირში მონაწილეობის მიღება, რომელსაც "ტულონის ჩემპიონატი" ჰქვია და რამდენიმე ნაკრები იღებს მონაწილეობას.
"იმ შემთხვევაში თუ დავტოვებ კლუბს ამ საკითზე ნებისმიერ შემთხვევაში ვისაუბრებ ტულონის ჩემპიონატის შემდეგ. რადგან ჩემთვის ძალიან მნიშვნელოვანია მეცვას ბრაზილიის ნაკრების მაისური. ჩვენი ჯგუფი არის ძლიერი და ჩვენ გვინდა, რომ გავხდეთ ჩემპიონები." - განაცხადა მან.
ასევე მარკინიოსი საუბრობს მის მომავალზე: "მე ყოველთვის მჭირდება წინაპირობა, რომ განვითარდე, მომავალზე კი მაშინ ვისაუბრებ, როდესაც მექნება კომუნიკაცია ჩემს აგენტთან." - საუბრობს ბრაზილიელი.

წყარო: "სქაისპორტი"