"მანჩესტერ იუნაიტედის" მექსიკელი თავდამსხმელი, ხავიერ ერნანდესი აცხადებს, რომ მისი ნაკრები მსოფლიო ჩემპიონატზე თავის გამოსაჩენად მიემგზავრება.
მექსიკელები ა ჯგუფში მოხვდნენ და მათი მოწინააღმდეგეები ტურნირის მასპინძელი ბრაზილია, ევროპული ხორვატია და აფრიკული კამერუნი იქნებიან. მიუხედავად იმისა, რომ ჯგუფი საკმაოდ ანგარიშგასაწევია, ჩიჩარიტო თვლის, რომ მის ნაკრებს ბევრი რამის შემოთავაზება შეუძლია.
"თუ კი მსოფლიო ჩემპიონატის მოგება გსურთ, მზად უნდა იყოთ იმისთვის, რომ თქვენს წინააღმდეგ პლანეტის საუკეთესო ნაკრებები ითამაშებენ. გვესმის, რომ წინ ჯგუფური ეტაპის სამი ძალიან რთული შეხვედრა გველოდება, მაგრამ ისიც ვიცით, რომ ამ ტურნირზე ადვილი გუნდები არ არსებობს და ჩვენ ნებისმიერ მეტოქესთან სათამაშოდ მზად ვართ."
"არავითარი აზრი არ აქვს მსოფლიო ჩემპიონატზე გამგზავრებას და იმაზე ფიქრს, რომ შენ იქ მხოლოდ სამი შეხვედრა გელოდება. თუ ისტორიაში შესვლა გსურთ, შესაბამისი აზროვნება არ უნდა გქონდეთ" - აცხადებს ხავიერ ერნანდესი.